الأحد، ٢٥ نوفمبر ٢٠٠٧

دع الأيام تفعل ما تشاء

z


دع الأيام تفعل ما تشاء .....
وطب نفسا إذا حكم القضاء....

ولا تجزع لحادثة الليالي
فما لحوادث الدنيا من بقاء.....

وكن رجلا على الأهوال جلدا
وشيمتك السماحة والوفاء......

وإن كثرت عيوبك في البرايا وسرك يكون لها غطاء.....
تستر بالسخاء فكل عيب يغطيه كما قيل السخاء...

ولا ترى للأعادي قط ذلا
فإن شماتة الأعداء بلاء.....

ولا ترجي السماحة من بخيل
فما في النار للظمآن ماء...

ورزقك ليس ينقصه التأني
وليس يزيد في الرزق العناء.....

ولا حزن يدوم.... ولا سرور..... ولا بؤس عليك .....ولا رخاء ....

إذا ما كنت ذا قلب قنوع فأنت ومالك الدنيا سواء
ومن نزلت بساحته المنايا فلا أرض تقيه ولا سماء

وأرض الله واسعة
ولكن إذا نزل القضا ضاق الفضا .....

دع الأيام تغدر كل حين ..
فما يغني عن الموت .... الدواء
الامام اشافعى

الاثنين، ١٢ نوفمبر ٢٠٠٧

مصر تمنع البهائيين واخرين من اثبات دياناتهم في أوراق الهوي

z

انا شخصيا واحدة من الناس اللى مقتنعيين تماما بأن الديانات السماوية ثلاث
الإسلام والمسيحية واليهودية
اما بقى الباقى البهائية ومالبوذية ومعرفش ايه
واحنا هنا فى مصر دولة نسبة المسلمين فيها 90% تقريبا
والدين الإسلامى يتعرف بالمسيحية واليهودية ......بالرغم انهم مش بتعرفوا بالإسلام .....لكن مش دا موضوعنا
الموضوع ان مصر قررت منع وضع كتابة فى خانة الديانة كلمة بهائية
وانا بقول كلمة وليس ديانة
لأنى مؤمنة بعقيدتى الاسلا مية اللى تقول الديانات ثلاث ( الإسلام والمسيحية واليهودية )
حيطلعوا ناس يقول واين الحريات
وحقوق الأنسان ومن حقهم كتابة ديانتهم لكنها ليست ديانة
يعنى انا اكدب الرسول وربنا واكفر بدياتاتى عشان اسمع كلام البشر
بعنى ربنا الرسول الكريم غير عادلين وظالمين لأنهم مفكروش فى حقوق المواطنة ومعملوش حساب البطاقات الشخصية
وبعدين ما هم عايشين محدش قالهم لا تتعبدوا ولا تتزواجوا ولا اتحروما من حاجة
يعنى هى كل المشاكل اتحلت ما عدا مشكلة اسم الديانة فى البطاقة الشخصية هى اللى مش حتخليهم مش بهائيين
ولا هم عايزين يتفاخروا بهذه التى يسمونها الديانة البهائية
يمكن البعض يعتقد ان كلامة دا فى عنصرية
لكن لا ...... دى وجهى نظرى الخاصة .......بس خلاص

الاثنين، ٥ نوفمبر ٢٠٠٧

مبروك لعماد الكبير

z




الضابط اسلام نبيه فى قفص الأتهام وعماد الكبير

والله انا أول ما عرفت ان المحكمة حكمت ب3 سنسن سجن فى قضية هتك عرض عماد الكبير على يد ظابط البوليس اسلاك نيبة قصدى اسلام نفسى فرحت جداااااااااااااااااااااااا ولاقيت نفسى مبسوط اوى مع انه يومى كان عنيف

بس مش لاقية كلام اقوله
ان مش حلال فى 3 سنين دا حلال كان كان لازم ياخد 30 سنة
لكن احنا بردوا بنحترم المحكمة

يا رب ظباط الوحشين اللى زى اسلام نيبه ياخدوا بالهم بعد كدا يعنى لما يعذبوا حد او يهتكوا عرض حد مش لازم يكون معاهم موبايل اخر موضة بيصور يعنى بالكام يعنى عذب ودارى ههههههه
مبروك يا عماد الكبير ، نصر الله وانصفك القضاء ارفع راسك

الثلاثاء، ٢٥ سبتمبر ٢٠٠٧

ها ..... مين هناك ؟؟؟ عسكرى الدرك

z



عارفين العسكرى بتاع زمااااان
او الشاويش عطية
اللى بنشوفوا فى افلام الأبيض والأسود بتاعت زمان زى افلام اسماعيل ياسين
دا رجل عسكرى .... لابس البدلة الميرى وعلى كتفة شريطتين فرحان بيهم
وماسك صفارة وسلاح ....ويمشى كده يتمختمر
ويقول...ها مين هناك
وطبعا دا بيكون بالليل والناس نايمة فى امان ...... لأن الطيبة اصلا كانت موجودة
لأنهم حاسين بالأمان وان فى حد مراقب بيوتهم لحراستها وحفظ أمنها
السيد حبيب العادلى وزير الداخلية
قرر انه يرجع عسكرى الدرك
بس حيكونوا اتنين مش واحد
واحد لابس الزى الميرى
واحد لابس الزى الملكى .. يعنى متخفى واخدين بالكوا... ودا حيكون معاه جهاز لاسلكى
ودول حيكونوا موجودين ومنتشرين فى الأحياء والمناطق الشعبية والنائية
وحيكونوا ماشين على رجليهم يعنى من غير موتسيكلات ولا عربيات الأتارى
ها اااااااااا...... مين هناك
ولا تفتكروا الفكرة دى حتطبق كدا والناس تخاف تمشى فى الشارع بعد كدا

الأحد، ٢٣ سبتمبر ٢٠٠٧

محمد برئ ..مين اللى عملها يا هند؟؟؟

z


حكمت محكمة جنايات بنها ببراءة المتهم
محمد سامى عبد العظيم 21 سنة
من تهمة اغتصاب الطفلة هند 11 عام
وعدم نسب الطفلة منة الله إليه
طيب مين اللى اغتصب هند
طيب هى مش عارفة
ولا هم كانوا كتير ( شقاوة عيال بقى ) وتقليد للكبار
بصراحة مش عارفة اكتب ايه ولا اقول ايه مش عندى اى كلام خالص
غير ربنا يستر من الأيام الجاية ويا ترى حنشوف حاجات اسوء ولا كده كفاية خلاص تعبنا

السبت، ١٥ سبتمبر ٢٠٠٧

هروب البنات الى الكباريهات

z


انا مش باهجم البنات نهائ بل على العكس لكن انا زعلانة من هذه الحال اللى احنا وصلنا لها
والسبب الغلاء والفقر المدقع .. انا باهاجم رجال الاعمال اللى معاهم فلوس واى رجال بيدفع الالاف والملايين.. ما يساعد فى الخير يدفعون الملايين لتشجيعهم واكيد هم معذورين ...انا بتكلم على اللى بينتجوا اغانى الفبديو كليب وبصرفوا عليها الملايين .. ويمكن انا لو كنت مكانهم كنت اشتغلت راقصة محدش عارف ... بس منفعش انا عارفة
لفيدو كليب بالملايين تقرير خطير جداااااااا ... لحد فين البنات رايحين

من جميع الفئات والمستويات الخادمة والمتعلمة وخريجة الجامعة
ومنهم المحجبات وغير المحجبات بل فيهم بعض المنتقبا ت ايضا
وبعلم الأهل ومباركتهم او من واراءهم
تقدمت ما يقرب من 7200 فتاة للحصول على تراخيص لمزولة مهنة الرقص الشرقى
وعندما ترى مشهد المتقدمات كـأنك فى مكتب التنسيق للتسابق للدخول الى الجامعة للوصل الى كليات القمة
هل العمل كراقصة هو للحصول على المال واليسارة الفارهة والشقة
ام من دافع الفقر المدقع والغلاء
ام دافع حب الرقص فى حد ذاته
اما من الهباب اللى بيعملوا فى الفيديو كليب والآغراءات
*****
حصلت 450 فتاة خلال عام 2007 على تصاريح بمزوالة المهنة
هذا الرقم يعتبر كبير جداا وهل سيزداد
وهل يوافق احد منكم ان تمارس اختة او زوجتة او حبيبتة هذه المهنة
انا اتعجب من الرجال الذين يملكون المال ويغدقون به على الراقصات
هؤلاء الراقصات هم الذين فضحوا المجتمع العربى وخاصة المصرى وجعل البعض ان كل السيدات سيئات
من باب مقولة السيئة تعم والحسنة تخص

هنا التفاصيل المذهلة

الثلاثاء، ١١ سبتمبر ٢٠٠٧

وردة شكر لأحبابى

z


انا مش عارفة ابتدى ازاى واشكر كل اللى اتصلوا بيا بمجرد انهم
قروا الخبر فى المدونة وماصبروش حتى انهم يقروا الخبر او يعلقوا
وبمجرد قرائتهم للعنوان كلمونى علطول

اولا عمو عبد القادر ياسين الكتاب الفلسطينى المعروف .. يوميا يتصل بيا مرتين مرة الثامنة صباحا ودايما بكون نيما ومرة مساء ودى اللى برد عليها وكنت برجع انام تانى
وكمان حبيبة قلبى مريوم من مدونة تخاريف المعادى اللى بصراحة مبطلتش اتصالات بيا
ومكالماتها اللذيذة اللى مش بنبطل فيها ضحك من خفة دمها
وبشكرها على جنيية الورد هههه .. هى عارفة طبعا اقصد ايه
وكمان الجميلة واللذيذة قوى مها صاحبة مدونة سكوت حنصوت .. دى بنت مجرمة وزى السكر
وحبيب قلبى مينا صاحب مدونة مراقب مصرى من تعليق وتليفونات
والزيارة الجميلة جداااااااااااااااا منه لما جه زرانى فى البيت

وطبعا لو قلت على تفاصيل الزيارة واللى بس معاش مش حقدر اقول
عشان هو قال لى بلاش تسييح وفضايح
هههههههههههههههه
وطبعا معظم الناس اللى فى ورشة العمل اللى بروحها
واكيد مش حنسى عمر قناوى الصديق الصدوق صاحب مدونة النديم والصوت الجميل اسامة فؤاد وجيمى هود

اما اصحابى المدونيين اللى دايما بعلقوا عندى ودعوا لى بالشفا فانا بشكرهم لذوقهم الجميل
وهم عصفور المدينة وحزين وادام المصرى ووحدانية وعمر الشرقاوى و ولـــو
gohayna

وطبعا غير كل اصحابى وحبابيى واقراباى وبعض الجيران اللطاف
اما انا فعملت العملية اللطيفة يوم الأحد مش الأتنين عملت خدعة من غير ما اخد حد معايا حتى ماما مقلتش لها انى رايحة اعمل اعمل العملية عشا حتقعد تبكى وتزعل واشغلها ... اخذت معى اختى فقط لا غير وبعد ما روحنا اتصلت اختى بالكل وبلغتهم محبتش اتعبهم لما يجيوا معايا
والحمد لله العملية عدت على خير .... لكن لسة فى مراحل علاج تانية وعملية تانية وان شاء الله يعدوا على خير
بجد شكرا ليكوا كلكم وفى المواقف دى الواحد بيعرف مين بيحبوا ومين بسئل عليه
شكرا



السبت، ١ سبتمبر ٢٠٠٧

انا فى اودة العمليات ...للمرة ال مش فاكرة

z



اولا واخيرا الحمد لله على كل شئ حاجة مكنتش تخطر لى على بال لكن ربنا عايز كده

يوم الاتنين اللى جاى حدخل اودة العمليات للمرة الكام مش فاكرة بالظبط اصلى دخلتها كتير

بس المرة دى انا قلقانة مش عارفة ليه ....لان الأشعة والتحاليل كانت منيلة بستين نيلة

والموضوع مش سهل خالص ....مع انى زى ما قلت مش المرة الآولى والله اعلم حتكون

الاخيرة ولا لاء ... الموضوع المرة دى مش لطيف خااااااالص وصعب على الاقل بالنسبة لى

قبل كده عشان عملية الزايدة ومرة عشان اللوز ومرة عملية اسنان وتكسير فك وحاجات تانية

عشان تعرفوا انى اخر نضافة .. اى حاجة مضيقانى اشيلها علطول

زى ما بتقال... انا صباع رجلى لما يوجعنى معالجوش اقطعه واستريح منو

عموما لو مخرجتش من اودة العمليات المرةدى لآنة قلقانة زى ما قلت

اى حد زعلا ن منى سواء بقصد او من غير قصد يسامحنى ولو خرجت بردو يسامحنى ....

. انا شخصيا مسماحة كل الناس ومش زعلان من حد مفيش حاجة مستاهلة

الثلاثاء، ٢١ أغسطس ٢٠٠٧

Messenger فى ال vip..أوعى تحط حد فى حياتك فى الـ

z

Messenger فى ال vip..أوعى تحط حد فى حياتك فى الـ

Delete وهو ما يستاهلش غير !

ليس من المفترض أن تكون وصلت إلى هذه السن التى تؤهلك أن تجلس وتقرأ جريدة
ومازلت تتعامل مع أسس احتفاظك بالأشخاص فى حياتك بشكل عشوائى .

انتبه إلى يا عزيزى جيداً ..
إن حياتك عبارة عن إنترنت كبير ..

عوالمه متشابكه معقدة وغامضة وأحياناً ليست قليلة مملة ..
messengerوعلاقاتك الاجتماعية لا تختلف كثيراً عن برنامج الـ

الذى يحكم عملية الاتصال والتواصل بين الأفراد على الإنترنت
.. اللى هو زى ما اتفقنا زى حياتك بالظبط .

فإن كنت من الذين يحتفظون بالأشخاص فى حياتهم بشكل عشوائى
.. دون أن يفكروا بطبيعة كل علاقة تربطهم بكل شخص ..
والمسار الذى يجب أن تسلكه تلك العلاقة ..
وما الدور الذى يقوم به كل فرد فى حياتهم

فيجب عليك وقتها أن تقف وقفه حازمة مع نفسك وتسألها ـ

اللى هى نفسك ـ

هل كل هؤلاء البشر الذين يملأون حياتى لهم أهمية وإذا كانت لهم أهمية فما درجاتها ؟

. أجلس مع نفسك وافتح messenger حياتك وانظر على الـ contact list المليئة بالأشخاص الذين يقومون بأدوار مختلفة ومتباينة فى حياة حضرتك ..

بالطبع ستجد الكثيرين الذين يشغلون أماكن كثيرة دون أن يكون لهم أدنى داع فى حياتك
وآخرون أعطيتهم أنت أكبر من شأنهم وجعلتهم " يشرفوا " فى قائمة الأشخاص فى حياتك
وهم فى الأصل لا يستحقون فتجدهم قد تعدوا واغتصبوا أماكن آخرين لهم أهمية ودور حقيقى فى حياتك

لا تتذكرهم من الأساس .....contact list وربما تجد أثنين أو ثلاثة فى ال

وقتها ستشعر أنك تائه وأنك فى أحيان كثيرة تستهلك طاقتك ومشاعرك مع الأشخاص الخطأ ..
وتحرم أشخاصاً آخرين يستحقون هذه المشاعر والطاقة وكل هذا بسبب الفوضى
بتاعتك contact list !! التى تعانى منها الـ

ولذلك يجب أن تبدأ حملة لترتيب كل هذا .. أمسك ورقة وقلم .
contact list .. . انظر للـ
Delete وأبدأ ..ده ملوش لازمة .. إذن

Block ده ممكن احتاجه بعدين... فقط الى حين قرار اخر يبقى
.
أما ده فحياتى مش حتستمر من غيره ..

وهكذا امض على هذا المنوال وتخلص من جميع السفهاء اللذين ليس لهم دور يذكر فى حياتك .

ولكن عليك أن تتوخى الحذر وتتحلى بالصبر فى آدائك لهذا المشروع التطهيرى الجلل
.. وكل شخص قبل أن تقرر وجوده من عدمه فى حياتك .. استرجع تاريخه كاملاً معك ومواقفه .
. ويجب أن تركن مشاعرك وقتها جانباً .. وتضع قلبك فى ثلاجة .. وأجعل على رأس قائمتك التى ستحدد على أساسها من تستبقيه فى حياتك .. شيئاً واحداً فقط هو مصلحتك .

. فنحن نتحدث هنا عن الواقع .. عن الوقائع .. عن الدنيا .. وكل تلك الأشياء إذا أردت أن تكون ناجحاً ذا شأن فيها يجب أن تكون بلا عواطف .. اتركها فى منزلك قبل أن تذهب للعمل كل يوم من فضلك .. والآن .. بعد أن طهرت الـ contact list بتاعة حياتك وأصبحت راضياً عنها وعما فيها .. عليك أن ترتبها وتصنفها إلى groups ـ مجموعات ـ وقسمها إلى vip.. family..work.. friends

وهكذا .. وربما تسمى مجموعة باسم شخص واحد تضعه فيها بمفرده نظراً لأهميته وأهمية الدور الذى يمثله فى حياتك .. وبعد أن أقمت المجموعات الخاصة بك أبدأ فى وضع كل شخص فى المجموعة الخاصة به والذى تكون قد تأكدت أنه يستحق هذا التصنيف .

فإياك أن تضع شخصاً فى مكانه الخطأ .

Delete و بعدها تكتشف أنه لا يستحق سوى vip ....فما أقسى أن تضع أحد فى الـ

نقلاً عن جريدة الدستور

السبت، ١٨ أغسطس ٢٠٠٧

البت بتاعت الغربية طفشت... المسلمين ملهمش دعوة

z

حاجة غريبة انا شايفاها كل ما بنت تحصل لها مشكلة مسيحية تختفى

يقولوا مسلمين واخوانا المسحيين يقوم بمظاهرات عنيفة .. زى ما يكونوا بتلككوا

ماهو محمد حجازى اعلن انه مسيحى ..ايه الى جرى يروح بلا هم . دا مش حيأثر نهائى على الإسلام

مشفناش مظاهرة من المسلمين بتقول ان الأخوة المسحيين بيحرضوا المسلمين على التنصير

البت بتاعت الغربية .....ابوها عايز يجوزها بالعافية ...وكانت على خلاف مع خطيبها

البت حطت ديلها فى اسنانها وجريت ... وبسرعة البرق ابوها اتهم واحدة منقبة ورسالة الى رئيس

الجمهورية ومظاهرات ... زى ما قلت بيتلككوا

وبعدين انا مش فاهمة يعنى ايه اتخطفت .. ولا هى قاصر ....

وبعدين هى تطلع مين لدرجة ان حد يخطفها ...عالمة ذرة مثلا

بنت عادية جداااااااا زى الملايين .. وحتجوز من سائق ( دا مش تقليل من حد >...لكن توضيح )

وهنا التفاصيل اللى عايز يقرا

بوست قديم ... بس بحبه

z

في عينيك عنواني

وقــــالــــت

سوف تنساني .... وتنسى أنني يوما ...... وهبتك نبض وجداني
. وتعشق موجة أخرى .....وتهجر دفء شطآني .... وتجلس مثلما كنا .
لتسمع بعض ألحاني ..... ولا تعنيك أحزاني
ويسقط كالمنى اسمي ..... وسوف يتوه عنواني
تـــــــرى ........... ستقول يـاعـمري
بـــأنـــك كـــنــت تـــــــهــوانــــي؟!
فــقــلــــت
هواك ايماني ...... ومغفرتي ..... وعصياني
أتيتك والمنى عندي ..... بقايا بين أحضاني
ربيع مات طائره ...... على أنقاض بستان
رياح الحزن تعصرني ..... وتسخر بين وجداني
أحبك واحة هدأت عليها كل أحزاني
أحبك نسمة تروي...
لصمت الناس ألحاني
أحبك نشوة تسري... وتشعل نار بركاني
أحبك أنت يا أملا ... كضوء الصبح يلقاني
أمات الحب عشاقا ...وحبك أنت أحياني
ولو خيرت في وطن... لقلت هواك أوطاني
ولو أنساك يا عمري ... حنايا القلب تنساني
اذا ما ضعت في درب
فــــفي عـيـنــــيك
عــــنـــوانــــــي
فاروق جويدة

الأربعاء، ١٥ أغسطس ٢٠٠٧

اعرف نفسك من طريقة نومك

z

اكتشف عالم النفس الفرنسي (بيير فلوشير) ان طريقة النوم تقول الكثير عن صاحبها:

الشخص الذي ينام منبطحاً على بطنه:
يعاني من عدم الثقة بالذات ودائماً يخاف من اشياء يحاول التهرب منها باخفاء وجهه في الوسادة

الشخص الذي ينام مثل الجنين في بطن امه:
يعاني الوحدة والعزلة الاجتماعية ويشعر دائماً بحاجة شديدة الى الحنان والحماية، وهو مثل الطفل يحاول دائماً ان يسترعي اهتمام من حوله.

الشخص الذي ينام على ظهره:
يتمتع بثقة في نفسه وعلى استعداد دائم لمواجهة المواقف.. وفي امكانه الدفاع دائماً عن ارائه ومصالحه.

الشخص الذي يحتضن الوسادة في نومه:
هذا السلوك يدل على انه شخص يشعر بالوحدة وهو بحاجة ماسة الى الحب والعطف.

الشخص الذي يضع رأسه تحت الغطاء:
هو شخص متشائم يتوقع حدوث اشياء غير مرغوب فيها وهو في حالة خوف دائم من المستقبل لانه لا يراه بمنظار ابيض.

الشخص الذي تعود النوم على جانبه الايمن:
شخص حساس يتمتع غالباً بموهبة فنية. ولديه مقدرة على الابداع.

الشخص الذي ينام على جانبه الايسر:
شخص مستغرق في عمله ولكنه ليس من الذين يصلون الى المراكز العليا أو المناصب القيادية.

الأحد، ١٢ أغسطس ٢٠٠٧

طفل يعرب كلمة فلسطين

z

طفل يعرب كلمة فلسطين
عجبنى البوست دا

بسيط جداااا .......معبر جدااا

او الإعراب دا

فهى تعبر ببساطة عن الواقع الذى نعيشه

لكلمة فلسطين .......فى مدونة جديدة ...وهى
مــدونــة الأيــــــام

متهيأ لى حتعجبكم اقروها

الاثنين، ٦ أغسطس ٢٠٠٧

تحديث هام بخط يده : لمحمد حجازى الذى اعتنق المسسيحية

z


:هذا الكلام نقل حرفي عما ورد في أوراق بحوزة (المصريون) كتبها محمد حجازي بخط يده.

ويقول محمد حجازي في أوراقه التي تحتفظ المصريون بنسخة منها:"

(أحبائي في الله وإخوتي في حب رسول الله (ص)،إن ما سوف أرويه لكم من أحداث هو احد أصعب مفردات واقع أليم تعيش فيه أمة قال الله عز وجل عنها أنها "خير أمة أخرجت للناس"
إن الوقائع التي سوف أسردها لكم لم تحدث في أوروبا أو أميركا أو إسرائيل أو غيرها من أماكن الكفر التي تعج بالسفاحين والتي ما تزال أيادي أهلها ملوثة بدماء المسلمين وحلوقهم تنضح نتانة تدل على مدى كراهيتهم للرسول الكريم .بل حدث ذلك ويحدث في بلد يقال عنها أنها بلد إسلامية وأن أهلها مسلمون !!!

كذلك لم يكن زمن الأحداث هو العصر الجاهلي ولا الفرعوني ولا حتى العصر البدائي إنه للأسف عصرنا هذا عصر تعدى فيه الأراذل كل أصول وتطاول فيه التافهون على الرسول نعم في مصر وفي هذا الوقت
.يسب الرسول في بلد عمرو بن العاص وتجبر فتيات المسلمين القصر على التنصير وترك دينهم الحنيف بل ويداس المصحف ويدنس تحت أقدام مرتدين وصليبيين لعناء !!!
أراكم لا تصدقون وتفتحون أفواهكم في ذهول من هول ما تسمعون
أراني الآن مضطر إلى سرد ما حدث ويحدث بكل أمانة وإن كنت أرى القلم يرتعش والورق لا يستطيع أن يتحمل أن يحمل سرد ما يحدث من كفر وسفالة الصليبيين في مصرنا العربية الإسلامية أخشى أن نقول يوما العربية سابقا أو الإسلامية قبل هوان المسلمين واستسلامهم ولكن هيهات فالله غالب ولا يقدر على عبيده كافر وإليكم ما يحدث حتى تفيقوا يا خير جند الله والله المستعان :ـ

بدأت أحداث القصة أقصد المأساة عندما كنت ابحث أنا وزوجتي عن مكان لنسكن فيه وقد شاء المولى (عز وجل) أن تكون ظروفنا في هذه الفترة في غاية الصعوبة زوجين بلا مسكن ثابت ضاعت كل نقودنا في الفنادق والأوتيلات وأصبح الحصول على سكن ثابت ضرورة ملحة ولكن من أين لنا أن نستأجر شقة وليس لدينا نقود حتى ندفعها كمقدم لهذه الشقة ؟!!!
وهذا كانت البداية

في أحد أيام البحث عن السكن جلست أنا وزوجتي نستريح على كافيتريا "الندوة الثقافية" بوسط البلد والتي شاءت الظروف أن تكون بها في هذا اليوم ندوة الأديب الكبير "علاء الأسواني"
استمتعنا بالندوة وأكملنا جلستنا على الكافيتريا ويبدو أن حديثنا عن صعوبة حصولنا على مسكن لفت انتباه أحد الجالسين بجواري فاقترب مني وعرفني بنفسه
=اسمي بيتر
ـ وأنا محمد
=أسف لقد لفت نطري حديثكم وعندي حل لمشكلتكم
ـ كيف؟
=عندي ناس قرايبي عندهم شقة فاضية في العمارة
ـ لكن أنا مش معايا فلوس مقدم
=ما يهمكش هي بدون مقدم بس هتدفع 200 جنيه مش اكتر وزيهم كل شهر
متشيلش هم أنا هحاول اتصرف فيهم وارد عليك
ولا يهمك أنا هسلفهملك وابقى ردهوملي
بالتأكيد تعجبت من موقفه هذا
وقلت في سري أي مصلحة يريد مني ؟!!
صدقوني لم استطع أن أحصل على إجابة
اصطحبني في توه أنا وزوجتي لمنزل أقربائه (كما كان يدعى ) وبدأت الأمور تتكشف
شقة على السطوح في منزل يقع في المطرية بمنطقة الرشاح بجوار محل للعب الأطفال ومنذ البداية لاحظت أنا وزوجتي الأتي :
المنطقة تعج بالنصارى بطريقة مثيرة للتساؤل كل الساكنين في العمارة التي سكنا فيها والعمارة التي بجوارها مسيحيون !!
بدأ صاحب البيت وزوجته وكل سكان العمارة بمقابلتنا مقابلة شديدة الحفاوة بل بادروا باستعدادهم لمساعدتنا في أي احتياج لنا بل إنهم جاءوا إلى بعمل في قناة فضائية؟؟وكان هذا هو العسل الذي دسوا فيه السم لنا بل ويدسونه لكثير من المسلمين فقد اكتشفنا أن صاحب العمارة وأسرته والساكنين بها يعملون في مجال التبشير وتنصير المسلمين هنا تذكرت السؤال:
ما مصلحة بيتر هذا في مساعدتي أنا وزوجتي؟
يريدون تنصيرنا أيضا .
كارثة والكارثة الأكبر أنني اكتشفت أن كثير من سكان العمارة كانوا مسلمين وقد تم تنصيرهم أسر بالكامل يتركوا الإسلام وارتدوا إلى الوثنية الصليبية لقد صعقنا أنا وزوجتي حين علمنا غرضهم من ضيافتنا حاولوا التهدئة من روعنا قائلين لنا أن كثيرا من المسلمين والمسلمات يدخلون الدين المسيحي كذبتهم وعرفوني على كثير من السكان ومن هم غير السكان من المسلمين الذين تنصروا والذين يأتوا لزيارتهم .)
بعد ذلك وفي جزء آخر من أوراقه يحكي محمد حجازي تفاصيل اهانات للقران الكريم وقعت في أحد مؤتمرات المنصرين الذين احتك بهم:
(وقف بوب وبيتر قائلين لمجموعتهم أن الإسلام في مصر سوف يسقط بفضل صلاواتهم كما سقطت أسرار أريحا عندما دار اليهود حولها وصلوا للرب فسقطت وأخذ بيتر مصحفا ووضعه على الأرض في منتصف القاعة ثم بصق بوب على المصحف وداس عليه وأخذ الجميع يلفون في دائرة حوله مرددين ترنيمة تقول :
"ومهما تكوني حصينة راح تقعي يا أسوار
ومهما تكون قدراتك واثقين في يسوع البار"
تحدث المؤتمر عن كيفية التغلب على الإسلام كعقبة تقف في طريق التنصير في مصر .
حدث هذا وخير جند الأرض مشغولين بملاحقة الغيورين على الإسلام والقابضين على الجمر وحسبنا الله ونعم الوكيل
إخواني المسلمون في بلد عمرو بن العاص
في بلد الأزهر والحسين
كيف نسكت على كل هذا ونحن مسلمون
كيف يهان رسولنا على أرضنا من أراذل القوم ونحن موحدون
كيف يخطفون فتياتنا ونحن صامتون )
والله لا نصمت
والله لا نصمت
والله لا نصمت
بايعوني على الموت
فبؤس حياة هي حياة المهانة
والله غالب وهم مهزومون
والله أكبر )
نكرر لمجرد التأكيد :هذا الكلام نقل حرفي عما ورد في أوراق بحوزة (المصريون) كتبها محمد حجازي بخط يده.


أسرة «محمد» المسيحي تتهم محاميه بدفعه إلي «التنصر»
ويوسف البدري يقاضيه.. ويتهمه بالإساءة للإسلام

الجمعة، ٣ أغسطس ٢٠٠٧

اول سابقة .مسلم يرفع قضية لأعتناقه المسيحية

z

هذا لن ينقص من الإسلام شياء و لن يزيد من المسيحية شياء



اعتنق المواطن المصرى محمد احمد حجازى مسلم والذى يبلغ من العمر 25 عاما الديانة

المسيحية وهو فى ال 16 عام واكد محمد ان "زوجته وهي مسلمة اعتنقت المسيحية كذلك وهي حامل

وريدان ان يسجل طفلهما كمسيحي في شهادة ميلاده وقد قاما بعقد قرانهما على الطريقة الإسلامية

لان الديانة المسجلة فى البطاقة الشخصية وهي الاسلام ولكن بعد ذلك تزوجا في الكنيسة.

وهذه الدعوة القضائية الغير مسبوقة مرفوعة امام المحكمة الادارية العليا مطالبا بتغيير

ديانته رسميا في اوراقه الرسمية
وهذا ما ذكرتة العربية نت
وما ذكره موقع مصروى
ولا حول ولا قوة إلا بالله

الأحد، ٢٩ يوليو ٢٠٠٧

دول .... باعوا البلد

z

دى مصر اللى كمان كم سنة مش حتبقى بتعتنا برغم كل مساوئها بنحبها


وطلع دكتور نظيف وقال مصر مش للبيع

حنخليها بس نظيفة

خلاص باعوا او خصصوا البلد كلها الخصصة وما ادراك ما الخصخصة
وطبعا فساد وعمولات والتفريط في ثروات هذا الشعب الحقيقة
وصروح بنيت بأموال ودماء الشعب عبر سنوات وسنوات

بثمن بخس وفضيحة والكويز وما اصاب صناعة النسيج
نوع تانى من الاحتلال - احتلال اقتصادى بحت

دلوقتى كلنا بنشتغل عند المستثمريين الأجانب
يعنى احنا موظفين فى بلدنا لا نمكلك منها سوا المرتب

لالالالالالالالالالالا- بنشتغل عند المصريون

الذين يحملون جنسية مختلفة امريكية اوربية اسرائيلية اكيد
زى ما حصل فى بيع اراضى سيناء وبيقنا محتلين بمزجنا
لأن لحد دلوقتى لم نسمع تصريح عن اسماء المستثمريين وجنساتهم
ودا بقى السر الكبير

نيجى للبيع
تم بيع معظم شركات القطاع العام
تم بيع سى عمر افندى
تم بيع بنك الأسكندرية
وحاليا بنك الفاهرة وبيع التأمين الصحى
ودلوقت بيفكرو يخصصوا بنك مصر والبنك الاهلى

وحاليا يحخصصوا السكة الحديد -- اقصدى بيعها
طب لو باعوا العتبة الخضراههه- ولا السجون تفتكروا ممكن حد يشتريها ولا الكبارى
ويقى فى رسوم عند مدخل ومخرج للكوبرى

وباعوا شركات الاسمنت الرابحة لمستثمرين ( أومنتهزين ) أجانب
بأقل الأسعار ودا خلى سعره يرتفع رغم الوفرة في الانتاج
وتصدير جزء كبير منه .

حتى رجال الأعمالهم كمان باعوا
رجل الأعمال حسين سالم باع حصته بشركة توريد الغاز لإسرائيل لرجال أعمال يهود

باقى ايه تانى متبعش .. اه يا دماغى

الثلاثاء، ٢٤ يوليو ٢٠٠٧

تعبت كتير

z


تـعـبت معــاك
كـتــير
كــان نـفـسى
اخــدك واطــير
كــان نـفـسى
فى يــوم
يـا قـلــبى
تـعيـش
زى
الأمـــير

السبت، ٢١ يوليو ٢٠٠٧

فعلا .. الحداية ما بتحدفش كتاكيت

z


فرحنا جميعا بإعلان الحكومة

تخفيض أسعار اشتراك

ADSL من 90 جنيه إلى 45 جنيه ،

لكن اتضح بعد كده إن نظام الاشتراك الجديد

محدد الساعات

وأي تحميل زيادة من على الإنترنت بفلوس

رغبة الواحد فى زيادة طاقة التحميل لأي سبب من الأسباب

فان عليها سداد 10 جنيهات شهريا عن كل جيجا بايت إضافية

وذكر بيان صحفى وزعه الجهاز السبت

أن القرار يشمل فقط وضع حد أقصى لطاقة

التحميل 2 جيجا بايت شهريا،

مشيرا إلى أن المشترك يستطيع أن يقضي عدد مفتوح

من الساعات لتصفح شبكة الانترنت

وكثيرا من الخدمات التفاعلية مثل برامج "التشات"

وغيرها دون أن يكون قد وصل بالضرورة

للحد الأقصى لطاقة التحميل المحددة وهى 2 جيجا بايت شهريا.

فعلا .. الحداية ما بتحدفش كتاكيت

الجمعة، ٢٠ يوليو ٢٠٠٧

اعتصام موظفى البريد..وضغوط امن الدولة

z

الان الساعة 9.30 مساء
عمال البريد يعتصمون الان فى
ميدان رمسيس
ويتعرضون لضغوط شديدة من امن الدولة
لفض اعتصامهم
وفى تطور جديد لأزمة موظفى البريد
رفض وكيل أول نيابة قسم الأزبكيةاحمد عبد السلام
تحرير محضر لخمسة من الموظفين بدأوا اضرابا عن الطعام
ويطالب موظفى البريد مساواتهم بزملائهم المعينين
فيما يتعلق بالحوافز مع امكانية النقل الى مكاتب
بريد الأقاليم للموظفين المغتربين

الثلاثاء، ١٧ يوليو ٢٠٠٧

عايز تموت .......ازاى

z





عاوز تموت شهيد ؟
ياتركب طياره............... ياتركب عباره

عاوز تموت م الجوع ؟
ياتشترى شقه................ياتشترى عربيه بالقسط

عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا

عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه

عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى

عاوز تموت م الهبل ؟
يا تخش ع النت .......... ياتسمع نجوم الأف أم

عاوز تموت مخنوق ؟
ياتروح مصلحه حكوميه ......... ياتقرا الجريده اليومية

عاوز تموت مفروووس ؟
ياتركب تاكسى ............ ياتركب دش

عاوز تموت مرعوووووب ؟
ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟
ياتتجوز رقاصه ............ ياتنصب على بنك

عاوز تموت مليونير ؟
ياتعمل فيديو كليب............. ياتلعب كوره

عاوز تموت ورا الشمس
ياتشغل مخك ............ ياتفتح بؤك

عاوز تموت منكاد ؟
ياترشح نفسك فى الأنتخابات ....... ياتخش ف أتفاقيه الجات

عاوز تموت م الحزن ؟
يا تفكر دايما ف أحوالك .......... ياتحط الحكومة ف بالك

عاوز تموت م الضحك ؟
يا تتجوز أتنين ......... ياتشتغل مع المجانين

عاوز تموت ف حالك ؟
أعمل نفسك دايما مش واخد بالك

الخميس، ١٢ يوليو ٢٠٠٧

حـــــــوار الـــــعــــشـــــاق

z

قال لها: أحبك إلي الحد الذي أرفض فيه أن أكون معكِ
قالت وعلامات الدهشة كلها تحتل عقلها وروحها وقلبها: بالله عليك.. كيف ذلك؟

قال: لست أنانياً
قالت: وما دخل الأنانية بالحب؟
قال: آه.. يبدو أنني اكتشفت مشكلتك

قالت: أي مشكلة؟

قال: مشكلة عدم فهم فلسفة العشق

قالت: وهل الأنانية هي جوهر الحب؟

قال: الحب هو مشروع أناني. لأن العاشق يحب شخصاً بعينه

دون سواه، دون كل ملايين البشر وبخلاف كل الكائنات التي علي كوكب الأرض.

إنه يحب هذا الإنسان قلباً وعقلاً، اسماً وعنواناً، زماناً ومكاناً

ثـــــم أضــــــاف:

أليس ذلك ياسيدتي هو قمة الاستحواذ ومنتهي الأنانية؟

قالت: لكن إذا اعتبرت أن هذه المشاعر هي قمة الأنانية

فأنت مخطيء، ...لأن الحب هو قمة الخصوصية

قال: الخصوصية في الأسرار ولكن ليست في المشاعر
قالت: الأنانية في التصرفات وليست في المشاعر

قال: أنا أحبك ولكن لا أريد أن أحتلك

قالت: ومن قال لك إنني أكره استعمارك لكل بقعة من كياني؟

قال: سوف تكرهينني

قالت: لن أكرهك

قال: سوف تزهقين مني
قالت: لن أزهق

قال: التكرار يعلم الملل

قالت: التكرار يحقق الاعتياد...والاعتياد أساس الاستقرار
والاستقرار هو حلم المرأة

قال: والتكرار هو جوهر الملل، ..والملل هو كابوس الرجل

لحظة ميلاد: لا تعطني حريتي ...... لا تطلق يدي

أرجوك..... استعمرني
عماد اديب

الاثنين، ٩ يوليو ٢٠٠٧

ساويرس ... المحجبات المسلمات .. عاهرات

z

عايز يعمل فتنة طائفية جديدة بس على مستوى
الناس الاغنياء ... مش خناقة عادية
او كلمة او نزاع على قطعة ارض او بيت قديم
لالالالالالالا دا ... فلوسه كتير ومحيراه
وكل المشاريع اللى عنده خلصت وعايز يزود فلوسه شويه كمان
والبيه فكر وماشى مع الموضة
وايه المشروع اللى ممكن يكسب .... آه أه
بما ان هو مش مسلم وكاره الحجاب طبعا
وهو مالوش انه يحبوا او يكره
الموضوع اصلا ما يخصوش
محجبة او غير محجبة
مدام دا مش فى عقيدته ... وهو ماله
فقام البيه بإنتاج فيلم عن السيدات المسلمات
قصة الفيلم عبارة عن فتاة محجبة لها العديد من العلاقات الغير شرعية
مع الرجال وطبعا فيه خمور ومخدارات
ولا يخلوا الفيلم من المشاهد الجنسية الساخنة
***********
الفضائية OTV مش كفاية قناة
وما يقوم به من دعم مباشر لأفلام واغانى جنسية

*********
المهم عم ساويرس
عايز يقول هم دول المسلمات المحجبات
ما يروح ينتج فيلم عن مشاكل الاقباط اللى بيتكلم عليها
ولا عن السيدة مريم العذراء
ولا عن كنيسة المهد اللى تحت يد الصهاينه تدمر
وهم واقفين يتفرجوا عليها
يعنى ساويرس لما طلع فى برنامج العاشرة مساء
وزعلان جدااا عشان الاقباط مش بيشتغلوا فى بعض الوظائف
يرضى سيادته نقول ونعمل فيلم نقول ان المسحيات عاهرات
طبعا كانت قامت الدنيا ومقعدتش
الاستاذ : نبيل الوحش المحامى تقد ببلاغ الى النائب العام بسرع تقديم ساويرس
الى محاكمة عاجلة بتهمة عاجلة، بتهمة إثارة الفتنة الطائفية واحتقار الدين الإسلامي
والملايين من أتباعه، والإضرار بالوحدة الوطنية
الموضوع هنا بالتفصيل

الخميس، ٥ يوليو ٢٠٠٧

مبارك يتنازل عن الرئاسة ....لجمال

z

بمناسبة ان الرئيس مبارك يتجه إلى الدعوة لانتخابات رئاسية مبكرة خلال مؤتمر "الوطني
" وطبعا ترشيح جمال مبارك وذلك ما نشرته جريدة المصريون
جانى على الجى ميل هذا المقال ولكنه طويل جدااااا لذلك اخذت من اجزاء
هل تعرفون أنني مريض في نهايات أيام حياتي، وليس في مصر نائب للرئيس أو واحد من الثمانين مليونا يستحق

أن يقف على يميني، ففرضت عليكم ابني،
ونزعت من تاريخكم المقبل أي فرصة لمحاكمة جرائم عهدي، وأن أموال قناة السويس والبترول والسياحة وتحويلات المصريين في الخارج والدعم المالي
كلها ذهبت في بطون رجالي وأولادي،
لكنكم تنظرون ببلاهة منقطعة النظير وأنا أنزع اللقمة من أفواه فلذات أكبادكم؟

*********************************
أريد أن أقول لزملائي الطغاة بأنني قوي أمام عشرين ألفا أو ثلاثين ألفا من ثمانين مليونا،

لكن المفاجأة كانت دائما تعقد لساني وتلجمه، فلو أحرقتكم جميعا في مسرح، أو وضعتكم في قطارات الصعيد وأشعلت فيها النار،
أو حشرتكم في بواخر تلقيكم لأسماك القرش

لكان اهتمام الأحياء منكم وأهليكم على حضور مباراة كرة القدم أهم وأكثر اثارة.مئات الآلاف منكم يقرأون
( الدستور ) و ( الفجر ) و ( المصري اليوم ) و ( العربي الناصرية ) و( الوفد ) و ( الغد ) وآلاف المواقع على النت ..

وغيرها، ويسمعون، ويشاهدون، ويعرفون تفاصيل التفاصيل لجرائم يحسدني عليها طغاة آخرون،

ولكن الكلمة أصبحت عبثا، والحقيقة المُرّة لا تحرك ساكنا،

والوقوف أمام الخالق، عز وجل، لا يلمس موضع الايمان بالانسان وحريته وكرامته ونفخة الروح المقدسة فيه

.حدثت ابني جمال وسألته عن امكانية حفر مقبرة جماعية تسع عدة ملايين لتسهيل عملنا،

فقال بأنه سيتولى هذا الأمر بعد تسلمه العرش رسميا،

ثم ابتسم لي قائلا: ما رأيك، أبي العزيز، في مقبرة أضع فيها ثمانين مليونا
دون أن يرفع أكثر من مئة منهم أصواتهم بالاحتجاج؟

*************************************
أيها المصريون،
لماذا لا تغلقون المساجد والكنائس والمدارس والجامعات ومراكز البحث

والمكتبات والمطابع والصحف والدوريات والفصليات
ومعاهد الفنون والآداب،
فكل هذه الأشياء تقف عاجزة عن تحريك النفس المصرية ناحية الخير والتمرد والغضب ورفض الكرباج ومناهضة سجّانها وتنظيف روحها التي لم تعد لها صلة بالسماء أو بخالق السماء والأرض؟
بعد دقائق قليلة سيزيح كل منكم هذه الورقة جانبا،
وربما يسب ويلعن في كاتبها متناسيا أنني
أنا الذي أبصق في وجوهكم صباح كل يوم حزين على مصركم في ربع قرن
وأقول : يا ولاد الكلب!إنني غاضب وحزين لأن أقفيتكم ترهق كفي الغليظة،
وقد جعلت بلدَكم في آخر ذيل الأمم المتخلفة، وسرق الآخرون منها كل أدوارها الأدبية والفنية والاعلامية والوطنية والقومية والانسانية والدولية،
ومع ذلك فلم تحرك المصريين قيمةٌ دينية أو روحية أو انسانية أو مصرية أو عربية ليعلم الآخرون أنكم مازلتم على قيد الحياة، ولو كانت موتاً في صورة حية.العصيان المدني هو ثورة الشرفاء على طاغيتهم،
لكنكم ومعكم كل القيادات الفكرية والثقافية والاعلامية والأكاديمية والطلابية والعمالية ترفضونه لأنه سيحرركم مني،

وأنتم تستعذبون مهانة الذل في عهدي وعهد ابني.بحثت عن أبطال العبور، ورجال مصر الشجعان، ولواءات المخابرات والجيش وأمن الدولة، وعن الذين يعرفون تفاصيل جرائمي في ربع قرن والتي يشيب لها شعر الجنين، ولا يزال البحث جاريا عن بطل منكم يرفض لسعة الكرباج
.أيها المصريون
،لو علمتم ما سيفعله ابني بكم في عقود قادمة
لاخترتم الموت انتحارا أو غرقا أو حرقا، فترقبوا ألسنة الجحيم التي يُعِدّها لكم زعيمكم الشاب القادم.الآن يمكنكم أن تدافعوا عن كرامتكم ضد كاتب هذه الرسالة،
وتقولوا له بأن السيد الرئيس لم يتلفظ بكلمة .. يا ولاد الكلب، ولكنكم كاذبون فقد سمعتموها مني آلاف المرات حتى لو لم تخرج من بين شفتي علانية.
إنها ليست كلمة، لكنها دستور قمت بتعديله أمام أعينكم

محمد عبد المجيد رئيس تحرير مجلة طائر الشمال أوسلو النرويج

الثلاثاء، ٣ يوليو ٢٠٠٧

دموعى......... وابتسامتى

z

دا احـــساســـــى

احساس بالغموض والحزن والوحدة

احساس صعب جداااااا
احساسى انى عايزة ابكى
ابكى بغزارة وتبلل دموعى وجهى
من كتر الدموع اللى جوايا
وفى نفس الوقت امنع نفسى وبشدة
واصرخ من داخلى
واقول لنفسى
لا
مفيش دموع
مفيش حاجة تستاهل
واصبحت فى صراع مع نفسى
ومع دموعى
حتى وقفت دموعى
على باب عينى
حائرة بين الرجوع الى الداخل
وبين ان تبلل وجهى
********
لماذا كل هذا
مش عارفة
لاء
عارفة
حكدب على نفسى ليه
كان حلم ... مجرد حلم
والاحلام لا تأخذ ... سوى دقائق
من ساعات النوم الطويلة
ويطلع الصباح
ونحلم من جديد
لكن الى متى
سنظل نحلم
ومتى تصبح الاحلام حقيية
*******
كنت اعتقد انه آن الآوان
وان الأيام ستضع ابتسامة
على وجهى
لم اكن اطمع فى اكثر من ابتسامة
ابتسامة اردت لها ان تخرج من قلبى
وتحتضنى
*********
لكن هيهات
ومن اين لى ذلك
ولماذا تبتسم لى الحياة
فهى كعادتها معى
فى خصام مستمر
*******
كنت منتظرة حاجات حلوة كتير
كنت بحلم زى الاطفال
وأقول بكرة ... حكبر
وكنت بقول تعال يا بكرة اوام
وحقق كل الاحلام
لكن
الاحلام لا يمكن ان تصبح حقيقة
وإلا كيف تكون احــلام

احساس صعب بين الدموع والابتسامة
اللى انا حاسه بيه دلوقتى

الاثنين، ٢ يوليو ٢٠٠٧

فقير جدااا... ورث 10 مليون دولار ... فى الاقصر

z


دى قصة حقيقة قالتها العربية

حصلت اليومين دول
اسمه
عبدالصبور محمود أحمد

فقير معدم

وصبر ونال هو من مدينة الاقصر

وعنده بس 30 سنة مش اكتر

تزوج من العجوز ذات ال 70 خريفا

اللى بلدها لندن

هى غنية جدااا

اعجبت بلونه الاسمر وشبابه اللى فى عزه

اتفقوا على الجواز

واشترت له عربية

وفتحت له مطعم فى الاقصر

ومن كتر الحب مقطع بعضه والمشاعر فيضاه

ومش قادرين يبعده عن بعض ثوانى

كانوا بيبوسوا بعض فى العربية

وعبد الصبور مش مركز فى السواقة

عمل حادثة وماتت المسكينة فى عز خريفها

وبعد عدة اسابيع

فوجئ عبد الصبور بجواب من لندن

ان ورث 10 مليون دولار عن زوجته

طبعا كل الشباب نفسهم فى جوازة زى دى

واللى المجوزين تلاقيهم بيقولوا


جتنا نيلة فى حظنا الهباب

اللهم لا اعتراض

ارزاق

الجمعة، ٢٩ يونيو ٢٠٠٧

يوم روش ... مع شوية تغيير .. تطوير

z

شكر يا مراقب مصرى على مجهودك معى



وانا قاعدة بتفرج على المدونة بتاعتى .... حسيت انها مش عجبانى .. شكلها عبيط كدا

قلت يا بت .... قال اعملى انك ناصحة .. وقال بتفهمى
واعملى شوية تتغير
طيب حعملها ازاى .... ومين حيساعدنى... انا مش شاطرة اوى
قعدت اهرش فى دماغى... اه يا دماغى .... ممممممم
كلمت حبيبة قلبى ... رندوش وسئلتها مين
قالت عليكى وعلى سى الدكتور مينا .... مراقب مصرى
وبالصدفة قاعدين كلنا على القهوة ... جه الدكتور مينا
واتفقنا نتقابل فى يوم تانى ونقعد فى مكان يكون النت شغال فية كويس
ونكون قبضنا ..عشان نقعد فى مكان محترم .. اصل احنا اخر الشهر ولسه محدش فينا قبض
*********
المهم
اتقابلنا امبارح الخميس .... انا ورندوش ومينا واخوان
محدش يسئل مين اخوان
بالصدفة وقعدنا على قهوة
غير اللى بنقعد عليها كل مرة ... يعنى تغيير
وكلنا مختلفين فى حاجات فى العقيدة والفكر واللون
بس اللى بجمعنا كلنا
ان احنا فعلا بنحب بعض بجد دون اى تعصب لاى شئ تماما
*****
بس الرخامة لها ناسها
اللى هو احنا
قاعدين نصطاد لبعض فى المية العكره
وكل حدفينا ما يقول حاجة مش على هوا التانى
اصل دى عنصرية ... دا على اللون مثلا
اصل دا تعصب دينى ...طب هو فين اللى بيفتعلوه؟
معنا مدون اخوان مسلمين .. والتانى قبطى
اصل دا عنصرية ضد الفلاحين ...وشوية ضد الصعايدة
ومبطلناش تعصب... لذيد وتحرش فى الكلام .. مش تحرش جنسى
عشان انا عارفة الناس بتسرح بافكارها لبيعيييييد
واحلى حاجة مبطلناش ضحك مع بعضنا
********
وسى الدكتور مينا مش بيمشى إلا بالاب توب
اصله مثقف ....... ودى حقيقة ..بجد
وقالى ..ها حنظبط المدونة يا باشا
ماشى يا باشا
تظبيط المونة .....عشان انا عارفة الناس بتسرح بافكارها لبيعيييييد
من الاخر مخدتش وقت منه ... بجد هو ما شاء الله شاطر جداا
واحلى حاجة فى انه كل ما يعمل خطوة يقول اتعلمى ودا شئ رائع ان حد بيعلم حد
عكس ناس كتير مترضاش تقول كلمة كأنها خلاص ... سر
وجه وقت الحساب
مش حساب القهوة
حساب تظبيط المدونة
ايوا يا عم مينا
اول دفعة من الحساب...... دا طبعا تسييح ...
دفعت حساب القهوة ...... يلا ان شا الله محد حوش
وتانى ... قلت له شكرا ... هو مطلوب حاجة تانى
قعد يقول اه يا بطنى ... اصل كان عنده انتفاخ
قالى لالالالالالالا
لازم توصلينى ... لحد الهرم ودا من وسط البلد
اصل مينا مشبيفوت حقه ابداا
يا مينا الوقت تاخر ورندوش لازم تروح حلسه حوصلها
وانا لسه حروح
بعد مجادلات وصلنا الى حل .... ان احنا نوصله الى الجيزة
وصلت رندوش وروحت بس طبعا اتاخرت
هى بدايه اليوم كانت حلوة صحيت على تليفون جميل
وفى نص اليوم رخامة شوية وانضربت بعض المواعيد الهامة
بس ختم يوم جميل مع رندوش اخوان ومينا
*****
ايه رايكم فى شوية التغييراللى حصل؟؟

الاثنين، ٢٥ يونيو ٢٠٠٧

الحكم بالمؤبد ..... 25 سنة

z


أصدرت محكمة أمن الدولة العليا (طوارئ)اليوم الاثنين
حكمها في قضية التجسس على البرنامج النووي المصري لصالح إسرائيل
والمتهم فيها المهندس المصري محمد سيد صابر،
إضافة إلى الهاربين براين بيتر (ايرلندي) وشيزورا ايزرو (ياباني).
وقضت المحكمة بالسجن 25 عاما للمتهم المصري
والمتهمين الآخرين

الأحد، ٢٤ يونيو ٢٠٠٧

بدل خدمات مصريات...... مدبرات سعوديات

z

دى صورة خادمة من اندونيسا اسمها فاطمة بعد التعذيب فى السعودية
وخدمات تانين بيتعرضوا لاحاجات تانية .....؟؟؟؟!!!

فجأة وبقدرت قادر ... قررت وزاة العمل السعودية وبعد تفكير حل لأزمة الخدمات

انها تشغل البنات السعوديات بدل من المصريين اللى اتنططو وقالو لا مش عايزين

وبدل الفلبينيات اللى بقبضوا بالدولار

واللى بيهربوا من العمل عند السعوديين

واحنا طبعا عارفين بيهربوا ليه ....؟؟؟!!!

قالو ايه

فى سعوديات عايزين يشتغلوا ... وبنفس الأجر

وترحو تيجبو حد من برا ... لا احنا الخدمة حتكون محلى مننا فينا
**********
وسعادة وكيل الوزارة السعودى

محرج من اسم خادمات يطلق على السعوديات

اصل على راسهم ريشة

وقعد يفكر يغير الاسم ازاى

فسماهم ....... مدبرات المنزل.... نوع من الشياكة

مدبرات دا باللهجة السعودية
***********
والتغيير دا فى العمالة اللى خدته السعودية بعد فى موضوع الخادمات

لما قررت اندونيسيا رفع تكلفة ذهاب الخدمات الى السعودية 500 ريال

يعنى من 4500 ريال الى 5000 ريال

**********
وعملوا نظام للعمل وعدد ساعات محدد واجازة اسبوعية

كل دا للسعودية ... عشات هى بلدها

اما المصريات يجو من مصر .... ويخدمو 24 ساعة ز

وطبعا مفيش اجازة اسبوعية حيرحو فين

شاربين الهم وقاعدين

واه .... يا دماغى

الخميس، ٢١ يونيو ٢٠٠٧

يوم صعب ........... جدااااا

z


النهاردة كان يوم عنيف

عنيف جداااااااااااااا

ومش عارفة ليه .... انا صحيت من النوم عادى وعملت شوية حاجات قى البيت

من ساعة ما صحيت من النوم وانا مش طيقا نفسى

مش عارفة ليه ... عصيبة ومتنرفذة ومش طايقة دبان وشى

ليه ... معرفش

فتحت التليفزيون

اما الاخبار ضرب وقتل واعتقال وصراع

قلبت على قنوات الاغانى
ايه بقى مألوكش ... بنات اخر دلع .... دنيا تانية خالص
اللى بتغنى ولا مؤاخذة بصرتها او باللى .....

مفيش وسط يا اخبار يا اغانى

كلمت صحبتى على المويايل .... يلا
الو.... ايوا يا بنتى
هى دايما تقول
الو يا افندم ... شكلها كان فى الجيش وانا معرفش
اخبارك ايه ... ترد تمام يا افندم
انتى فين ؟ ...... على القهوة .... طيب استنى انا جاية لك ولو مشييتى كلمنى
ساعة وحكون عندك
وقبل ما انزل جانى تليفون من ماما ... ايو يا ماما
ماما بتكلم من عند خالى
وكلهم راحين المستشفى لجدتى
ايوا يا ماما .... تيجى توصلينا الى جدتك وبالمرة تسلمى عليها
عشان انت لك يومين مروحتيش
بتهزأ بالأدب طبعا
حاضر يا ماما

نزلت لقيت العربية طبعا عليها كوم تراب ... قلت مش مهم
نضفى يا بت بالريشة .... اصل احنا معندناش بواب
فتحيت العربية وحطيت شنطتى وحاجاتى ...... بصيت مفيش بنزين
كملت والواحد مفلس ... نروح نحط بنزين
ولحد ما وصلت محطة البنزين اللى بينى وبينها خمس دقايق
زحمة موت وخناقة والناس النهارد بتخرف فى السواقة بشكل عنيف
اه ... اليوم باين من اوله

واحد لطيف زنأ على من الشمال مش عاجبه ازاى انا اسبقه
بنت تسبق واد فى السواقة .... دا كلام .... يا لهوى
المهم خلصنا من البنزين وروحت لماما ... لقيتها مستنيانى على با ب العمارة .... روحنا المستشفى
وانا بركن عدى واحد من جنبى ف عربيته .... بصراحة احلى من القمر
قلت ايوا ادى الحاجات اللى تفتح النفس ..... مش العاهات اللى بيشوفها
وسلمت على جدتى فى السريع ....قلت ذوق منى طبعا
ورحت على القهوة .... لقيت الشلة كلها قاعدة
كلها اشكال تفتح النفس .......مممممممممممممم ....... مالكو
عادى كلهم عندهم اكتئاب ....
اللى زهقانة من البيت وابوها وعايزة تروح على ميعاد النوم عشان لا تشوف ولا تكلم حد
واللى متخانق مع ابوه عشان الفلوس
واللى طالع دينه فى الشغل وبيقبض ملاليم ومش عارف يعمل ايه
والله عنده شغل متأخر ومسلموش
الحال من بعضه .. . وبعدين حنعمل ايه
ولا حاجة قاعدين نحكى همنا لبعض والجو حر مووووت
كان شكلنا كلنا بصراحة يسد النفس ..... ايه دا ... ا
قعدنا يجى ساعتين .... مشيت كل الشلة واحد ورا التانى
وقعدت انا وصحبتى وشنا فى وش بعض يلا نروح ... يلا
احنا ساكنين قريب من بعض
ركبنا العربية .... وقعدنا نسمع محمد منير
الدنيا زحمة جدااااااااا والطريق مش
وواحد كان بردو حيخبطنى مش عارفة ايه الحكاية النهاردة
لاقيت نفسى متنرفذة وبزعق معاه بعصبية
سئلتها هو كان غلطان ولا انا اللى كنت عصيبة زيادة شوية
قال الاتنين .... اه ... واضح ان دمى تقيل
وصلت صحبتى وعلى وعد بالاتصال بعد يوم الجمعة
اصل يوم الجمعة انا بكون البيت .... مش بخرج نهائى ..ولا بكلم اى حد .... اجازة من كل حاجة ما عدا البيت
كل دا واحنا وشوش تسد النفس والدنيا زحمة جداااا ومش بتمشى خالص
وحالة الأكتئاب عامة ... كان باين ان كل الناس كانت عصبية
من الحر .. ولا من الفلس .... ولا من الهم
وخلص اليوم خلاص

 

© New Blogger Templates | Webtalks