يوم روش ... مع شوية تغيير .. تطوير

z

شكر يا مراقب مصرى على مجهودك معى

وانا قاعدة بتفرج على المدونة بتاعتى .... حسيت انها مش عجبانى .. شكلها عبيط كدا

قلت يا بت .... قال اعملى انك ناصحة .. وقال بتفهمى

واعملى شوية تتغير

طيب حعملها ازاى .... ومين حيساعدنى... انا مش شاطرة اوى

قعدت اهرش فى دماغى... اه يا دماغى .... ممممممم

كلمت حبيبة قلبى ... رندوش وسئلتها مين

قالت عليكى وعلى سى الدكتور مينا .... مراقب مصرى

وبالصدفة قاعدين كلنا على القهوة ... جه الدكتور مينا

واتفقنا نتقابل فى يوم تانى ونقعد فى مكان يكون النت شغال فية كويس

ونكون قبضنا ..عشان نقعد فى مكان محترم .. اصل احنا اخر الشهر ولسه محدش فينا قبض

*********

المهم

اتقابلنا امبارح الخميس .... انا ورندوش ومينا واخوان

محدش يسئل مين اخوان

بالصدفة وقعدنا على قهوة

غير اللى بنقعد عليها كل مرة ... يعنى تغيير

وكلنا مختلفين فى حاجات فى العقيدة والفكر واللون

بس اللى بجمعنا كلنا

ان احنا فعلا بنحب بعض بجد دون اى تعصب لاى شئ تماما

*****

بس الرخامة لها ناسها

اللى هو احنا

قاعدين نصطاد لبعض فى المية العكره

وكل حدفينا ما يقول حاجة مش على هوا التانى

اصل دى عنصرية ... دا على اللون مثلا

اصل دا تعصب دينى ...طب هو فين اللى بيفتعلوه؟

معنا مدون اخوان مسلمين .. والتانى قبطى

اصل دا عنصرية ضد الفلاحين ...وشوية ضد الصعايدة

ومبطلناش تعصب... لذيد وتحرش فى الكلام .. مش تحرش جنسى

عشان انا عارفة الناس بتسرح بافكارها لبيعيييييد

واحلى حاجة مبطلناش ضحك مع بعضنا

********

وسى الدكتور مينا مش بيمشى إلا بالاب توب

اصله مثقف ....... ودى حقيقة ..بجد

وقالى ..ها حنظبط المدونة يا باشا

ماشى يا باشا

تظبيط المونة .....عشان انا عارفة الناس بتسرح بافكارها لبيعيييييد

من الاخر مخدتش وقت منه ... بجد هو ما شاء الله شاطر جداا

واحلى حاجة فى انه كل ما يعمل خطوة يقول اتعلمى ودا شئ رائع ان حد بيعلم حد

عكس ناس كتير مترضاش تقول كلمة كأنها خلاص ... سر

وجه وقت الحساب

مش حساب القهوة

حساب تظبيط المدونة

ايوا يا عم مينا

اول دفعة من الحساب...... دا طبعا تسييح ...

دفعت حساب القهوة ...... يلا ان شا الله محد حوش

وتانى ... قلت له شكرا ... هو مطلوب حاجة تانى

قعد يقول اه يا بطنى ... اصل كان عنده انتفاخ

قالى لالالالالالالا

لازم توصلينى ... لحد الهرم ودا من وسط البلد

اصل مينا مشبيفوت حقه ابداا

يا مينا الوقت تاخر ورندوش لازم تروح حلسه حوصلها

وانا لسه حروح

بعد مجادلات وصلنا الى حل .... ان احنا نوصله الى الجيزة

وصلت رندوش وروحت بس طبعا اتاخرت

هى بدايه اليوم كانت حلوة صحيت على تليفون جميل

وفى نص اليوم رخامة شوية وانضربت بعض المواعيد الهامة

بس ختم يوم جميل مع رندوش اخوان ومينا

*****

ايه رايكم فى شوية التغييراللى حصل؟؟

الحكم بالمؤبد ..... 25 سنة

z

أصدرت محكمة أمن الدولة العليا (طوارئ)اليوم الاثنين
حكمها في قضية التجسس على البرنامج النووي المصري لصالح إسرائيل
والمتهم فيها المهندس المصري محمد سيد صابر،
إضافة إلى الهاربين براين بيتر (ايرلندي) وشيزورا ايزرو (ياباني).
وقضت المحكمة بالسجن 25 عاما للمتهم المصري

والمتهمين الآخرين

بدل خدمات مصريات...... مدبرات سعوديات

z

دى صورة خادمة من اندونيسا اسمها فاطمة بعد التعذيب فى السعودية

وخدمات تانين بيتعرضوا لاحاجات تانية .....؟؟؟؟!!!

فجأة وبقدرت قادر ... قررت وزاة العمل السعودية وبعد تفكير حل لأزمة الخدمات

انها تشغل البنات السعوديات بدل من المصريين اللى اتنططو وقالو لا مش عايزين

وبدل الفلبينيات اللى بقبضوا بالدولار

واللى بيهربوا من العمل عند السعوديين

واحنا طبعا عارفين بيهربوا ليه ....؟؟؟!!!

قالو ايه

فى سعوديات عايزين يشتغلوا ... وبنفس الأجر

وترحو تيجبو حد من برا ... لا احنا الخدمة حتكون محلى مننا فينا

**********

وسعادة وكيل الوزارة السعودى

محرج من اسم خادمات يطلق على السعوديات

اصل على راسهم ريشة

وقعد يفكر يغير الاسم ازاى

فسماهم ....... مدبرات المنزل.... نوع من الشياكة

مدبرات دا باللهجة السعودية

***********

والتغيير دا فى العمالة اللى خدته السعودية بعد فى موضوع الخادمات

لما قررت اندونيسيا رفع تكلفة ذهاب الخدمات الى السعودية 500 ريال

يعنى من 4500 ريال الى 5000 ريال

**********

وعملوا نظام للعمل وعدد ساعات محدد واجازة اسبوعية

كل دا للسعودية ... عشات هى بلدها

اما المصريات يجو من مصر .... ويخدمو 24 ساعة ز

وطبعا مفيش اجازة اسبوعية حيرحو فين

شاربين الهم وقاعدين

واه .... يا دماغى

يوم صعب ........... جدااااا

z

النهاردة كان يوم عنيف

عنيف جداااااااااااااا

ومش عارفة ليه .... انا صحيت من النوم عادى وعملت شوية حاجات قى البيت

من ساعة ما صحيت من النوم وانا مش طيقا نفسى

مش عارفة ليه ... عصيبة ومتنرفذة ومش طايقة دبان وشى

ليه ... معرفش

فتحت التليفزيون

اما الاخبار ضرب وقتل واعتقال وصراع

قلبت على قنوات الاغانى

ايه بقى مألوكش ... بنات اخر دلع .... دنيا تانية خالص

اللى بتغنى ولا مؤاخذة بصرتها او باللى .....

مفيش وسط يا اخبار يا اغانى

كلمت صحبتى على المويايل .... يلا

الو.... ايوا يا بنتى

هى دايما تقول

الو يا افندم ... شكلها كان فى الجيش وانا معرفش

اخبارك ايه ... ترد تمام يا افندم

انتى فين ؟ ...... على القهوة .... طيب استنى انا جاية لك ولو مشييتى كلمنى

ساعة وحكون عندك

وقبل ما انزل جانى تليفون من ماما ... ايو يا ماما

ماما بتكلم من عند خالى

وكلهم راحين المستشفى لجدتى

ايوا يا ماما .... تيجى توصلينا الى جدتك وبالمرة تسلمى عليها

عشان انت لك يومين مروحتيش

بتهزأ بالأدب طبعا

حاضر يا ماما

نزلت لقيت العربية طبعا عليها كوم تراب ... قلت مش مهم

نضفى يا بت بالريشة .... اصل احنا معندناش بواب

فتحيت العربية وحطيت شنطتى وحاجاتى ...... بصيت مفيش بنزين

كملت والواحد مفلس ... نروح نحط بنزين

ولحد ما وصلت محطة البنزين اللى بينى وبينها خمس دقايق

زحمة موت وخناقة والناس النهارد بتخرف فى السواقة بشكل عنيف

اه ... اليوم باين من اوله

واحد لطيف زنأ على من الشمال مش عاجبه ازاى انا اسبقه

بنت تسبق واد فى السواقة .... دا كلام .... يا لهوى

المهم خلصنا من البنزين وروحت لماما ... لقيتها مستنيانى على با ب العمارة .... روحنا المستشفى

وانا بركن عدى واحد من جنبى ف عربيته .... بصراحة احلى من القمر

قلت ايوا ادى الحاجات اللى تفتح النفس ..... مش العاهات اللى بيشوفها

وسلمت على جدتى فى السريع ....قلت ذوق منى طبعا

ورحت على القهوة .... لقيت الشلة كلها قاعدة

كلها اشكال تفتح النفس .......مممممممممممممم ....... مالكو

عادى كلهم عندهم اكتئاب ....

اللى زهقانة من البيت وابوها وعايزة تروح على ميعاد النوم عشان لا تشوف ولا تكلم حد

واللى متخانق مع ابوه عشان الفلوس

واللى طالع دينه فى الشغل وبيقبض ملاليم ومش عارف يعمل ايه

والله عنده شغل متأخر ومسلموش

الحال من بعضه .. . وبعدين حنعمل ايه

ولا حاجة قاعدين نحكى همنا لبعض والجو حر مووووت

كان شكلنا كلنا بصراحة يسد النفس ..... ايه دا ... ا

قعدنا يجى ساعتين .... مشيت كل الشلة واحد ورا التانى

وقعدت انا وصحبتى وشنا فى وش بعض يلا نروح ... يلا

احنا ساكنين قريب من بعض

ركبنا العربية .... وقعدنا نسمع محمد منير

الدنيا زحمة جدااااااااا والطريق مش

وواحد كان بردو حيخبطنى مش عارفة ايه الحكاية النهاردة
لاقيت نفسى متنرفذة وبزعق معاه بعصبية

سئلتها هو كان غلطان ولا انا اللى كنت عصيبة زيادة شوية

قال الاتنين .... اه ... واضح ان دمى تقيل

وصلت صحبتى وعلى وعد بالاتصال بعد يوم الجمعة

اصل يوم الجمعة انا بكون البيت .... مش بخرج نهائى ..ولا بكلم اى حد .... اجازة من كل حاجة ما عدا البيت

كل دا واحنا وشوش تسد النفس والدنيا زحمة جداااا ومش بتمشى خالص

وحالة الأكتئاب عامة ... كان باين ان كل الناس كانت عصبية

من الحر .. ولا من الفلس .... ولا من الهم

وخلص اليوم خلاص

كل واحد يعرف نوع دمه .... اذا كان عنده دم

z

دا للناس اللى عندها.... دم

وفين ناس كتير معندهاش اى ريحة الدم
واللى بيجرى فى عروقهم

ميه صفرا ....... زى وشهم
اكيد كل واحد عارف نفسه

Oاصحاب فصيلة الدم

طموحون جدا ويتطلعون دائما إلي السلطة

ولكنهم اصحاب قلوب رقيقة ويفضلون التسامح في تعاملاتهم والعطاء من

سلبياتهم اضاعة الفرص العظيمة بسبب تاجيلهم عمل اليوم الى الغد،

ينسون الاساءة بسرعة ولا يضمرون الحقد لاي شخص حتى وان تأخر اعتذاره لهم

Bاصحاب فصيلة الدم

يحبون النقد لانهم معتزون بشخصيتهم وطموحون لا يحبون كرسي القيادة،

رومانسيون واحلامهم متعددة ولكنها بسيطة وجميلة.

اصطدامهم بالواقع القاسي وبحقيقة من حولهم يؤدي بهم احيانا الى الدخول في حالة اكتئاب مزمنة

A أصحاب فصيلة الدم

يهتمون دائما بالاشياء الواقعية،

غير مندفعين في تصرفاتهم يحسبون دائما كل شيء بالعقل اصحاب قلوب رحيمة ورقيقة

يحبون جمع المال والترف والحياة الجميلة, يعملون بكثرة لتغيير أوضاع حياتهم للأحسن والأحسن.

يرفضون بشدة النميمة ويفضلون الصراحة في مفردات حياتهم?.?

AB اما الصفات الشخصية لاصحاب فصيلة الدم

خياليون يعشقون الاحلام جدا ولكن لا يبعدون كثيرا عن أرض الواقع,

فاحلامهم من واقعهم, يحبون الصدق والأمانة والعطاء،

خيالهم الخصب يجعلهم ناجحين في مجالات الفن والشعر والادب

ولكن لديهم دائما نوعا من التردد في اتخاذ القرارات المصيرية

ويفوت عليهم فرصا كثيرة واخيرا فهم اجتماعيون

ويفضلون تكوين معارف وصداقات جديدة بشكل مستمر كي يملأون حياتهم وخيالهم.?

الحكومة تتكتم وتحذر.. اسرائيل تقتل طالبتين مصريتين في رفح

z

قتلت القوات الإسرائيلية طالبتين بمعهد الخدمة الاجتماعية بمدينة نصر

أثناء قيام طالبات الفرقة الثالثة بالمعهد بزيارة إلي مدينة رفح ومشاهدة السور العازل

.يذكر أن المعهد العالي للخدمة الاجتماعية الذي تتولي عمادته د. إقبال السملوطي كان قد قرر إقامة معسكر لطالبات الفرقة الثالثة بالمعهد بالقرب من قرية المساعيد بالعريش، حيث كان في استقبالهم د. محمد سرسير الأستاذ بالمعهد والأستاذ بشير المسئول عن التدريب العملي بالمعهد

اقراء التفاصيل

http://news.maktoob.com/newspaper/?q=http://www.elosboa.com&c=4&sc=4

وصية مبارك ....الأخيرة لأولاده

z

مبارك على فراش الموت ...... ماذا يقول؟

التفت الأسرة حول فراش الزعيم وهو يلفظ أنفاسه الأخيرة

.... قال الزعيم بصوت ضعيف ولكنه حازم فى نفس الوقت

حسنى: كلكم موجودين

سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين

حسنى: طب إسمعوا اللى حقوله كويس

جمال: سامعينك يابابا ... إتكلم

حسنى: مصر دى كنز.. ياولاد ... إمكسوا فيها بإيديكم وسنانكم بنسرق فيها بقالنا سنين وسنين ولسه بتدينا

علاء: هيا دى البركة اللى بيقولوا عليها يابابا

حسنى: أيوه يابنى .... ربنا يبارك لكم ولعيالكم فيها .... ودلوقتى

علاء: إنته على الهوى يابابا ..... إتكلم

حسنى: أنا مش مديون لحد ياولاد ..... يعنى أى واحد يصيع عليكم

ويقول لكم أبوكم كان مستلف منى فلوس تفوا فى وشه على طول

علاء: إطمن يابابا ..... حرامى على حرامى ما يلعبش

حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض فلوس متلتلة متتعدش

مش حقول لكم حافظوا عليها وبس لآلآلآلآ ... زودوها كمان وكمان لاجل ما روحى ترتاح وأنا فى تربتى

جمال: هيا الفلوس اللى إنتا عملتها يابابا دى بتسميها فلوس

شفنى أنا وعلاء حنعمل إيه ولا صحيح حتشوفنا إزاى ..... عموماً ما تقلقش

حسنى : ودلوقتى إسمعوا وصيتى ..... الحكم لاولاد مبارك ... لازم أول ما جمال يحلف اليمين تغيروا إسم مصر وترجعوه زى ما كان زمان أيام الملك فاروق والملكة نازلى (المملكة المصرية)

جمال: مفهوم يابابا ..ز.. خش فى اللى بعده

حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً

علاء: مفهوم برده .... اللى بعده .... ياساتر ده إنته ملل

سوزان:عيب ياعلاء لما تكلم أبوك كده

علاء: بهزر ياماما

حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى

سوزان: هرم !!!!!!! ..... هو دى آخرة صبرى !!! ...... وده يسوى كام ده

!!!! علاء وهو يمسك بالألة الحاسبة : يسوى كتير ياماما .. لو تحبى أتصرف لك فيه ممكن يعمل معاكى مبلغ كويس سوزان: مش ح ارضى باأقل من التلات أهرامات وأبو الهول

حسنى: مش خسارة فيكى ياغالية

أثار النوبة لعلاء .....والأقصر لجمال

ودلوقتى نيجى للميه

الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى

سوزان: إنته أكيد مخبول ... مليار ونص دولار صدقة جارية على روحك !!!!

جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا

علاء وهو يمسك بالألة الحاسبة: ممكن نطلع لحد ألف جنيه يا جمال ... السيولة تسمح

حسنى: أوعوا تفرطوا فى حبيب العادلى من بعدى يا ولاد .. حبيب قلبه ميت وإيده طرشه

وهوه ده اللى ينفع مع الغجر اللى هنا

جمال: بس ما بيعجبنيش شنبه يابابا

حسنى: إنته مالك ومال أم شنبه ..... إحنا بنشترى مجرم

جمال: أعاهدك يابابا إنى حخليه معايا ومش حفرط فيه أبداً

حسنى: الشيخ طنطاوى ياولاد راجل بركة ...... يمين يمين شمال شمال .... أوعوا تفرطوا فيه بس ما تخلوهوش يصلى عليا لأنى بصراحة مش متأكد إن كان ربنا حيقبل منه ولا لأ

علاء: ولا يهمك يابابا ... حاخلى أنكل كمال الشاذلى يصلى عليك

حسنى: والله لو عملتها ياعلاء لكون متبرى منك إلى يوم الدين

علاء: بهزر معاك يابابا

أنكل كمال مش حافظ الفاتحة

حسنى: المشير طنطاوى ياولاد .... مش حوصيكم عليه . . . الراجل ده عامل زى الست المستحية .... حاطط وشه فى الأرض على طول وعمره ما استجرى يرفع عينه فيا ... وفى نفس الوقت ماسك الجيش بإيد من حديد

سوزان: هوه فعلاً خجول وكل ما يشوفنى ما يقوليش غير ياست هانم .... إبقى خليه معاك ياجمال

جمال: حاضر ياماما

حسنى: عايز جنازتى ياولاد الناس تحكى وتتحاكى عنها ...... هاتوا المخرج

الإيطالى ده اللى إسمه مكافيللى يصورها

علاء وهو يمسك بالألة الحاسبة: هوه حيكلفنا كتير ... لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا

حسنى: عايز أحلى مدفع يشيل النعش يا ولاد

جمال: مدفع رشاش

سوزان: الهزار مش فى الحاجات دى يا جمال

جمال: آسف يا ماما

حسنى: عايز أدفن فى شرم الشيخ ياولاد جنب أولمرت وشارون

علاء: بلاش كفر مصيلحة يعنى ؟

حسنى: لأ كلها براغيت ياعلاء ........ وإسم شرم الشيخ كمان.. أشيك بكتير

الدكتور المسيرى .... راجع بالسلامة

z

الدكتور عبد الوهاب المسيرى ... سوف يعود الى مصر يوم 18/6/2007
وسوف ينظم تلاميذ المفكر واصدقائة حفل استقبال له فى مطار القاهرة
عند وصوله بالسلامة من بعد رحلة علاج استغرقت ثلاثة اسابيع فى امريكا
الدكتور المسيرى زعيم حركة كفاية

وحنقول لكم قريبا موعد وصول الطائرة وخط السير ومكان التجمع

افلام نادرة لتزوير انتخابات مجلس الشورى

z

فيلم نادر جدا عن تزوير انتخابات الشوري 2007 تصوير عن بعد

تزوير انتخابات الشوري في اوسيم

منع الناخبين من دخول اللجان في الدقهليه

كــركــر ......... العبيط اهـو

z

شفت الاعلان بتاع الفيلم العبيط الجديد........ محمد سعد

بصراحة مش عارفة اقول .. كل افلامة اللى فاتت مكنتش بفهم جملة مفيدة على بعض

وحتقولولى هو انتى شفت الفيلم

بصراحة بعد الاعلانات اللى بتيجى على روتانا والجزء دا اللى فى الفيديو

كفاية ...و زى الافلام اللى فاتت .. ماهى نفس الرقصة

ودايما عامل عبيط واهبل وعاوج بقه بطريقه هبل

وطول الفيلم يرقص بشكل مستفز ويبرز ولا مؤاخذة فى الرقص الـ ....

دا فى كل افلامه .. نفس الرقصة

هو بيعمل ارجوز والناس بتحب تتفرج على الأرجوزات وتضحك

وهو مش فارق معاه

الناس تضحك عليه ..او على عبطه فى الفيلم

المهم يقبض الملايين .. ويتشهر ... والناس تشاور وتقول العبيط اللى فى الفيلم اهو

هيه ... اهوا

مش عارفة هو دا النجم الكوميديا اللى بياخد ملايين

واللى احنا اللى عندنا الهبل بالكوم

اقصدى الناس اللى بتروح السينما الطلبة والموظفين يدفعو تمن التذكرة بالعافية

عشان يمكن يشوفو حاجة حلوة شوية ... ويمكن عشان الحبيبة يلاقو مكان ضلمة يقعدو فيه

هو يبقض بالملايبن واحنا ندفع بالملاليم

هود دا حقد منى وانا مش واخدة بالى

جلسات... ومحكامات... بالجملة

z

تأجيل محاكمة هانى سرور وانصاره يعتدون على الصحفيين في قاعة المحكمة

قررت محكمة جنايات القاهرة فى جلستها المنعقدة الثلاثاء تأجيل محاكمة 7 متهمين يتقدمهم هانى سرور عضو مجلس الشعب فى قضية توريد أكياس دم ملوثة لوزارة الصحة لمحكمة الجنايات لجلسة 8 سبتمبر القادم بناء على طلب الدفاع للاطلاع وفض أحرز القضية واعلان شهود الاثبات للحضور.
وقام أنصار المتهمين عقب الجلسة بالتعدى بالضرب على مصورى الصحف وحاملى كاميرات الفضائيات للحيلولة دون قيامهم بتصوير المتهمين.

http://www.masrawy.com/News/2007/Egypt/Politics/june/12/blood.aspx

*********************************

وتأجيل قضية الجاسوس

أرجات محكمة أمن الدولة العليا طوارئ بمصر الاثنين نظر قضية المتهمين الثلاثة بالتخابر لحساب إسرائيل إلى جلسة الأربعاء 13 يونيو للاستماع إلى مرافعة نيابة أمن الدولة العليا ومرافعة الدفاع عن المتهمين والتي كان مقررا لها جلسة الاثنين، إلا أن المحكمة قررت تأجيلها.
وتضم القضية كلا من محمد سيد صابر المهندس بهيئة الطاقة الذرية وعميلي جهاز الاستخبارات الإسرائيلي الموساد الهاربين برايم بيتر

(آيرلندي الجنسية) وشيزوا إيزرو (ياباني الجنسية).

http://www.masrawy.com/News/2007/Egypt/Politics/june/12/spy.aspx

********************************

القضاء الاداري يصدر قراره في طلب الافراج الصحي عن ايمن

اعلنت محكمة القضاء الاداري في مصر الثلاثاء انها ستصدر قرارها في طلب الافراج الصحي

عن المعارض المصري ايمن نور في 26 يونيو الجاري.
وقال رئيس الدائرة التي تنظر في طلب الافراج الصحي القاضي محمد الحسيني انه سيصدر قراره في 26 حزيران/يونيو حتى لو لم يرده التقرير الذي طلبه من هيئة الطب الشرعي التابعة لوزارة العدل بشان الحالة الصحية لنور والذي لم يصل بعد الى المحكمة.
واكد القاضي انه اذا لم يرد تقرير هيئة الطب الشرعي قبل موعد الحكم فانه سيعتمد على تقرير طبي تقدمه هيئة الدفاع عن نور مشترطا ان يقوم باعداد هذا التقرير ثلاثة من اساتذة كليات الطلب.واطلق انصار نور الذين حضروا الجلسة صيحات فرح بمجرد ان اعلن القاضي قراره.
وقال امير سالم محامي المعارض المصري "انه انتصار لنا يجعلنا نامل في اطلاق سراح ايمن نور".
وقالت جميلة اسماعيل زوجة نور "انه مؤشر جيد" معتبرة ان القاضي الحسيني "رجل نزيه ومحترم".
غير انها اضافت انه "حتى لو صدر هذا الحكم لصالحنا فلسنا متأكدين من انه سيتم تطبيقه".
وكانت مسالة الافراج عن ايمن نور سببا في سجال علني الاسبوع الماضي بين الادارة الاميركية والنظام المصري.

http://www.masrawy.com/News/2007/MidEast/AFP/June/12/nour.aspx

هيه ..هيه ... هيه ... فات شهر

z

هيه ...هيه ....هيه ...هيه ...هيه
النهاردة 12 فى الشهر .. يعنى فات شهر بحالو على بداية المدونة النونو بتاعتى

انا بشكر بجد كل اللى شرفونى ودخلو بدماغهم واللى حيدخلو بردو بدماغهم ....

انا سعيدة جداااااااااااا بكل التعليقات اللى جت سواء على الموضوعات او على المدونة نفسها

انا عارفة انها مدونة بيسط جدااااااا

بس اهى محاولة للكلام

ويمكن تعجب البعض واكيد مش حتعجب البعض الآخر

ممكن تكون هايفة بالنسبة لهم

وممكن تكون حلوة لناس تانين

انا ححاول اطور فيها على قد ما حقدر

انا عندى حاجات كتير عايزة اقولها فى المدونة

اوعدكم بمعلومات وموضوعات مختلفة ومتنوعة

بس اتمنى تعجبكم ..... يا رب

بس دا بعد يومين من النهاردة

عشان انا مشغولة جدااااااا اليومين دول

ومش لاقيا اى وقت خالص حتى افتح الأيميل

بقرار ادارى من المحكمة .... منتقبات اه

z

بقرار ادرى السماح للمنتقبات بالدخول الى الجامعة الأمريكية بالقاهرة

اصدرت المحكمة الأدارية العليا قرا يسمح للمنتقبات بالدخول الى الجامعة الأمريكية

ورفضت المحكمة الطعن المقدم من الجامعة على حكم سابق صادر من قبل

لصالح الدكتورة ايمان بأحقيتها ( المنقبات ) فى ذلك

الجامعة الأمريكية منعت الدكتورة ايمان طه الزينى

مدرس بقسم اللغات بجامعة الأزهر

من دخول مكتبة الجامعة الإمريكية لحتضير رسالة الدكتورة عام 2001

فأقامت دعوى تعويض بمجلس الدولة والقضاء الإدارى

الدكتورة طالبت الجامعة بتعويض قدره مليون دولار امريكى

، وذلك لأمتناع الجامعة تنفيذ الحكم الأول الصادر لصالحها

المهم انا مبسوطة بالحكم جدا وخصوصا ان يتعلق بحاجة امركانى ...... ليه

رغم ان انا مش محجبة .. بس هى كمان من حقها تكون منقبة

والقاضى قال للدكتورة ... مسئلة النقاب تحت بند الحرية الشخصية والعقائدية

والبروتوكول اللى بينا وبين بينهم ان الجامعة تخضع للقانون المصرى ،

عشان هى على ارض مصري

شوفتو اخيرا عرفنا نأخد قرار ضد ماما امريكا

عقبال قرارات تانية كتير

شفايف ....وشفايف ... بدل الهم اللى حنا فيه

z

قلت شوية ترفيه بدل كل مشاكل ووجع قلب اللى احنا مش عارفين نخرج منه

الــشــفاه مــفتـاح شـخـصـــيــتك

يرى المحللون أن بالإمكان الكشف عن شخصية الإنسان من شكل شفتي..

الشفاه ذات الزوايا المرتفعة تدل على شخصية مرحة غير صعبة.

الشفاه ذات الزوايا المنخفضة تدل على سرعة الغضب والانفعال.

أما الصغيرة، فتدل على الأنانية وعدم النضج.

الرقيقة على البرود وتقلب المزاج والقساوة واللطافة في آن والثقة وحب المال.

الرقيقة المرتفعة الزوايا نحو الأعلى، فتدل على العاطفة الجياشة والكبرياء

والغرور والتصنع.

الشفاه الكبيرة الممتلئة المتطابقة تعبر عن الصراحة وطيبة القلب وحب الذات.

بالنسبة للشفاه الغليظة، فتدل على البلادة والكسل.

الشفاه الغليظة المستديرة المنتفخة تدل على المزاجية الجامحة.

بينما تعبر المنكمشة عن الاستياء والغضب،

والبارزة: دليل الجمال المثالي حيث تظهر الشفتان أكبر وأغنى.

إذا كانت الشفة العلوية بارزة أكثر من السفلى، فذلك يدل على الرحمة

والطيبة وسرعة التسامح

والعكس يدل على الإهمال والاستهتار واللامبالاة.

الشفاه ذات الزوايا المرتفعة تدل على شخصية مرحة.

الشفاه الصغيرة تدل على الأنانية وعدم النضج.

لــو حد دافع عنك تانى ... حنحبسك علطول

z

الريس الأمريكانى طلع بعد ما طلع وقال واتكلم عن ايمن نور وانه محبوس ظلم

وطبعا دا معجبش الحكومة وبيقول له وانت مالك يا بوش يا وحش

المواطن دا بتاعنا احنا ... العساكر يضربوه وهو الرجل المحترم وانت مالك

... نحبسه بقضية مفبركة وانت مالك

البلد بلدنا والمواطنين عبيد عندنا واحنا احرار فيهم نعمل اللى احنا عاوزينه

وطبعا عشان ترد الحكومة بشكل عملى على انكل جورج بوش

قعدت تدور فى الدفاتر القديمة .. ايمن نور مديون لمين

فى حد يا جماعى عايز من ايمن فلوس او اى دين ولا شتم حد بالصدفة

احنا حنخد لكم حقكم من ايمن بس انت تعال وبلغ

وفجاءة طلع عليه دين الف جنية بحالهم وعلطول طلع الحكم واصدرت محكمة جنح قصرالنيل عابدين وسط القاهرة بالحبس اسبوعين

طب دا كان شيك ولا وصل امانة .... طب كان فى اجراءت قانونية يعنى معارضة والطعن بالتزوير ... الخ عشان نشوف حكاية الألف جنية

ودا رد فعل الحكومة على كلام بابا بوش فى مدينة براغ عندما ذكر اسم ايمن من المعارضين الساسيين ...... فى مصر ... أم الدنيا

تأجيل جلسة محاكمة اسلام نبيه الى 4/07/2007

z

انعقدت اليوم الساعة 12 ظهراَ محاكمة الضابط اسلام نبيه ن والمتهم بهتك عرض عماد الكبير ، وبعد الاستماع الى مرافعة الدفاع

قررت هيئة المحكمة رفع الجلسة وتأجيل القضية الى جلسة 4يوليو 2007 القادم ، وذلك لأستكمال جميع مرافعات الدفاع

وقد تركزت دفاع اليوم على الشكيك فى خبير الإصوات ، والتشكيك فى الدليل المادى وهو شريط فيديو هتك عرض عماد الكبير

وقال الدفاع بأن هناك تآمر بين منظمات حقوق الأنسان والتى

يمتلها الدفاع والمجنى عليه عماد الكبير

ومحطات فضائية وفى مقدمتهم قناة الجزيرة

ويهدفون مجتمعين الى الأساءة الى سمعة مصر

وقد عادت هيئة الدفاع على النيابة فى استخدامها كلمة عبثية لوصف دفوع النيابة ،

وطعنت فى الأجرءات القانونية التى بموجبها تم توجيه التهم الى المتهمين

وسوف يوافيكم مراقب مصرى بكافة التفاصيل

استيراد عرسان من الصين .... للمصريات

z

اخـــــــر مــوضـــــــة

اخر موضة فى عالم الزواج وحل مشكلة العنوسة او تأخر سن الزواج

ذكرت صحفة الأهرام

ان فى عام 2006 نجح 49 صينى فى الزواج من مصريات ..

. وأن 1202 فتاة مصرية تزوجو غير المصريين سواء عرب او اجانب
و‏845‏ شابا مصري تزوجوا من عربية أو أجنبية خلال عام‏2006.‏

بحسب صحيفة "الأهرام" الخبراء يؤكدون أن الأرقام تشير إلى أن الشباب المصري يهرب من شبح تأخر الزواج ونار أسعار الشقق وتأسيس عش الزوجية بالزواج من عرب أو أجانب‏ ، خاصة وأن آخر دراسة رسمية للجهاز المركزي المصري للتعبئة العامة والإحصاء يؤكد أن ارتفاع نسبة غير المتزوجين بين الشباب المصري إلى 37% ، وأن عدد الشبان والشابات العوانس - الذين تجاوزوا الخامسة والثلاثين من دون زواج - وصل إلى أكثر من 9 ملايين نسمة من تعداد السكان البالغ 64 مليون نسمة ، بينهم 3 ملايين و773 فتاة وقرابة 6 ملايين شاب غير متزوج

يعنى العنوسة حريمى ورجالى والكل بيدور على الزواج الأرخص

ويرجع اتجاة االرجل الصينى الى الزواج من الفتاة المصرية نظرا التكاليف

الباهظة بالنسبة لهم...حيث ان متوسط تكلفةالزواج من صينية تصل الى 75 الف دولار
وان الصينيات انفسهم يفضلون الرجال الأثرياء

ويقول البعض ان الرجل الصينى من النوع المخلص ويتميز بالوفاء

ولا يقوم اى علاقة خارج نطاق الزواج

بس مش عارفة احنا العرسان دول فين

وهل ممكن حنلاقيهم واقفين طابور فى محلا ت اللى بتبيع ب2,5

ولا حيعملو لهم فترينا فى العرض

وحيكون فى مستورد مخصوص ولا العمل حيكون قطاعى

والعريس الصينى حيعمل بكفاءة ولا حيبوظ بسرعة زى كل المنتجات

الصينى اللى بتبوظ بسرعة

طب العيال اولادهم حيطعلو مضروبين يعنى صينى ولا بكفاءة مصريين ولا خليط

وب 2,5 وتعال بص عريس اخر جمال

لا يوجد تعليق ... بعد هذه الدموع

z

بكرة ميعاد جلسة محاكمة الظابط اسلام نبيه

فى محكمة جنايات جنوب القاهرة الساعة 11 صباحاََ

فى دار القضاء العالى

...ادعو ان عماد الكبير يكسب القضية

ونحس شوية ان فى جزء من العدل فى البلد

تحديث(2) .. من داخل محاكمة اسلام نبية ... لحظة بلحظة

z

تقرر الآن تأجيل المحاكمة الى جلسة الخميس الموافق 7 يونيو 2007 اى بعد غدا، وذلك لأستكمال سماع باقى المرافعات الأدعاء بالحق المدنى عماد الكبير ، ودفاع المتهمين ، ونتوقع انهاء القضية فى تلك الجلسة وربماوالنطق بالحكم فيها

انتظرو التفاصيل بعد ساعات

تحديث(1) .. من داخل محاكمة اسلام نبية ... لحظة بلحظة

z

بعد ان استمعت وشاهدت فيديو تعذيب عماد الكبير ، وشاهدت ايضا فيديو قدمته النيابة يضم معانية لقسم بولاق الدكرور والذى انطبق مع اقوال المجنى عليه ............ وتقدم ايضا دفاع المتهمين بعرض شريط فديو متضمنا نفس الأحداث بأصوات مختلفة وكان يقصد بذلك التشكيك فى الشريط الأصلى ومحاولة منه انه من السهل فبركة الشريط المقدم الى هيئة المحكمة وتصنيعة بأى اصوات مختلفة ......... وبعد ذلك قدمت النيابة مرافعاتها فى القضية والتى ادانت فيها وبشدة جريمة هتك عرض عماد الكبير وقالت النيابة انها لم تسئ فقط الى عماد الكبير ،،،، بل اساءت الى مصر كلها فى المجتمعات الدوليه ..... وسوف نوافيكم بمقتطفات من مرافعة النيابة فى القضية

(شاهد جانب من المحاكمة ..(خاص - 90 دقيقة

(شاهد تصريحات محاميي الطرفين ..(خاص - 90 دقيقة

بعد ذلك استمعت المحكمة الى مرافعة دفاع المجنى عليه ( المدعى بالحق المدنى )

والتى رد فيها على تشكيك دفاع المتهمين فى صحة الواقعة ، وفندا كا ادعاءات دفاع المتهمين سواء الطاعنة فى صحة الواقعة او فى صحة تسجيل الفيديو. او صحة الخبير ومصدقايته

وقد طالب كل من النيابة ودفاع المجنى عليه بتوقيع اقصى العقوبة على المتهمين

وسوف نواليكم باتفاصيل بعد الأستراحة ... كما سننشر مقطتفات من مرافعة استاذ ناصر امين محامى المجنى عليه عماد الكبير

وفى هذه اللحظات الساعة 3.15 بتوقيت القاهرة خرج المتهم اسلام نبيه خارج قاعة المحكمة فى ظل حراسة امنيه مشددة لحمايته من عدسات المصوريين

تابعونا وسف نوافيكم بالمستجدات

تحديث .. من داخل محاكمة اسلام نبية ... لحظة بلحظة

z

الان وفى تمام الساعة 12.45

تم اخلاء القاعة من جميع الحاضرين باستثناء الصحفيين والمصورين

من داخل محاكمة اسلام نبية ... لحظة بلحظة

z

من محكمة جنايات جنوب القاهرة
نحن تقريبا فى تمام الساعة 12.10 ظهرا وفى انتظار ان تبدأ جلسة محاكمة اسلام نبيه
حضر المتهم الى اسلام نبيه الى داخل القاعة منذ قليل لكنه لم يمثل فى قفص الاتهام ... وفى انتظار الجلسة التى لم تعقد بعد
ومن المتوقع ان تكون فاعليات المحاكمة فى جلسة سرية وذلك داخل غرفة المدوالة وذلك لعرض فيديو التعذيب
موضوع القضية وستبدأ المرفاعات فى الجلسة ،،، حيث تبدأ النيابة فى الأدعاء ...ثم دفاع المتهمين الذى يقدم مرافعاته
ثم مرافعة المجنى عليه الاستاذ ناصر امين
ونحن انتظار جلسة المحاكمة

ابتسامة مالهاش حل

z

مبروووووووووووك منعم

بجد مبروك يا منعم

بصراحة مش لاقيا كلام اكتبوه او اقوله

ابتسامتك التى لا تفارق وجهك والتى تعبر عن حبك لمصر وصبر وقناعة

اتمنى ان تحتفظ بها دائما
بس اكيد كلنا فرحنيين بخروجك وان شاء الله تكون بخير

و يارب متكنش تجربة قاسية

انا سعيدة بصراحة اكتر عشان خاطر والدك ربنا يبارك لك فيه

اكيد حالته وصحته حتكون احسن بعد خروك

ومليون مبروك

قرار فورى ... والتانى متحلموش بيه

z

بسرعة البرق وعشان تعرفو ان احنا ظلمنًًًًًًًًَا الحكومة

اصدر الريس قرار عاجل وبسرعة لعلاج النائب عضو مجلس الشعب المعارض رجب هلال حميدة

على نفقة الدولة لعلاجه وسرعة انهاء الإجرات اللازمة لسفرة الى المانيا خلال النصف الثانى من هذا الشهر

سيادت الريس كلمه فى التليفون وقالو عشان تعرف يا ابنى يا حميدة ان احنا مش بنفرق بين معارض وبين مؤيد

بس المهم الأتنين يكونوا تحت القبة

عشان يكون تحت ادينا لأن انت عارف ممكن نخليك بره المجلس علطول

ام الدكتور المسيرى الوحش دا مش من المجلس سواء معارض او مؤيد

ومدام الأمير السعودى تبرع بعلاجه على حسابه ، خلاص اهو وفر

، واحنا كلنا عرب واخوات ومفيش فرق بنا ولازم نساعد بعض وبعدين تكاليف علاج المسيرى كتير وفى امريكا يقدر عليها الأمير فهد ،

اما احنا كفاية علينا حميدة فى المانيا

مش كده ولا ايه

اخر الفتاوى الشاذة بعد ... بول الرسول والرضاعة

z

جمال البنا.. يستكمل سلسلة الفتاوي الشاذة !!!

مباح للصائم تدخين سيجارتين في نهار رمضان !!
لاعقوبة علي الارتداد عن الإسلام !!
الحجاب ليس فريضة.. والنقاب بإظهار العين اليسري فقط !!
يبدو أن مسلسل الفتاوي الغريبة والشاذة لن ينتهي والتي تثير الجدل وتشوه صورة الإسلام..
حيث قام المفكر الإسلامي جمال البنا شقيق الشيخ الراحل حسن البنا مؤسس جماعة الإخوان المسلمين بإصدار عدة فتاوي غريبة خلال ندوة " الحرية والإسلام " والتي نظمها مركز منتدي الحوار ـ بمكتبة الإسكندرية وأدارها د. جابر عصفور رئيس المجلس الأعلي للثقافة..
أكد البنا أن الحجاب ليس فريضة إسلامية بل تقليد قديم قبل ظهور الأديان السماوية وله فائدة في حماية الشعر من الأتربة والشمس والغبار ووسيلة سهلة لإثبات الإسلام..
وان النقاب إذا كان ضروريا فعلي المرأة أن تخفي عند ارتدائه العين اليمني وتظهر العين اليسري!!
حتي يتم التعرف علي هويتها وعموما فهو أمر مرفوض لأنه يطمس شخصية المرأة.
أضاف أن الإسلام لم يضع عقاباً للردة عنه!! والدليل علي ذلك أن الارتداد عن الإسلام ذكر في مواقع عديدة بـ القرآن الكريم ولكن لم يذكر الله عقاباً..

كما أن الارتداد عن الإسلام ظهر في عهد الرسول أكثر من مرة ولكن الرسول لم يقتل من قاموا به.. وأنه لايوجد نص قرآني أو حديث نبوي يحرم التدخين في نهار رمضان وأنه يمكن للصائم أن يتناول سيجارتين فقط في اليوم ولاحرج عليه.
المصدر : جريدة المساء

اعدام .... ايمن نور

z

رفضت محمكة الجنايات بعد ثلاث تقارير طبية حصل عليها مركزالنديم تؤكد تدهور حالت ايمن نور رئيس حزب الغد الصحية ، وانه مصاب بأمراض تهدد حياته وتعرضه الى الوفاة بشكل مفاجئ , فى اى لحظة وثبوت الأعتداء عليه من قبل افراد الشرطة
قررت محكمة الجنايات الخاصة التابعة للقرارات العليا والحكومة بعدم الإفراج عنه
اللى مطلوب ان الراجل يموت وبعدين يفكرو يفرجو عن الجثة ولا لاء
ولا يمكن يخلوها عندهم لإستكمال باقى العقوبة
كل دا عشان يا عينى الراجل رشح نفسه للرئاسة وطلع الأول بعد مبارك
وعجبى