حكايات

z

اولا وحشونى

فات وقت كتير اوى وانا مش بتابع اى حاجة فى واهمال للمدونتى .. قلت اصالحها ( مدونتى ) واصالح نفسى شوية بس احترت مالوحد ممكن يكتب فى ايه ولا ايه الحياة بقت كلها كوسة وليه دايما بنقول كوسة مش عارفة لو حد عارف يقولى .. ليه مثلا مش بامية او ملوخية ..ههههه .. زى حكاية بالظبط اللى ميعرفش يقول عدس ....حد فيكم بردو يعرف حكاية العدس ... ههههههههه انا عارفها .. الحكاية بتقول فى الاساطير ان واحد رجع الى بيته لقى مراته المصون بتخونه مع واحد تانى ... طبعا اول ما العاشق شاف الزوج المخدوع جرى بسرعة وخد معاه هدومه وكان شارى عدس وحاطه فى جيبه وكان بيجرى بسرعة فبدء العدس يقع من جيب العاشق وبدأت الناس تقول شوفتو الراجل المجنون على الزوج طبعا بيجرى ورا الراجل كل الجرى دا عشان سرق شوية عدس ... ماهو اللى ميعرفش يقول عدس

ولاحكاية قلبى على ولدى انفطروقلب ولدى عليا حجر

يحكى ان فى الاساطير القديمة ان زوج اخذ ابنه وتركه زوجته التى كان يكرها بشدة واخذ هذا هذا الرجل بربى ابنه على كرهها ايضا وعلى قسوتها وانها لا تصلح ان تكون اماً له وانا امراءة سيئة .... الخ وفى احد الايام طلب هذا الابن من ابوه طلبا ورفض الاب انت يستجيب لطلب ابنه إلا بعد ان يحقق ما يريد وهو ان يقتل هذا الابن امه وان يشق صدرها ويأتى بقلب امه الى ابيه ... وذهب الابن ليقتل امه ليوافق ابيه على مطلبه قتلها وشق صدرها واخذ قلبها ... واثناء عودة الأبن الى ابيه يحمل قلب امه وكان يمشى على جبل فوقع .. ووقع من يده قلب امه ... فنطق قلب الام خوفا على ابنها الذى وقع وقالت ولدى هل اصابك مكروه... هذه هى الام .

حلوة الحكايات احسن ما نتكلم فى السياسة ووجع القلب ولا فى الامراض من امراض الخنازير الى الله اعلم بكرة يمكن تكون بكرة كلابى ولا حاجة ولا الرشاوى والفساد ولا ... كفاية كدا