اولا واخيرا الحمد لله على كل شئ حاجة مكنتش تخطر لى على بال لكن ربنا عايز كده
يوم الاتنين اللى جاى حدخل اودة العمليات للمرة الكام مش فاكرة بالظبط اصلى دخلتها كتير
بس المرة دى انا قلقانة مش عارفة ليه ....لان الأشعة والتحاليل كانت منيلة بستين نيلة
والموضوع مش سهل خالص ....مع انى زى ما قلت مش المرة الآولى والله اعلم حتكون
الاخيرة ولا لاء ... الموضوع المرة دى مش لطيف خااااااالص وصعب على الاقل بالنسبة لى
قبل كده عشان عملية الزايدة ومرة عشان اللوز ومرة عملية اسنان وتكسير فك وحاجات تانية
عشان تعرفوا انى اخر نضافة .. اى حاجة مضيقانى اشيلها علطول
زى ما بتقال... انا صباع رجلى لما يوجعنى معالجوش اقطعه واستريح منو
عموما لو مخرجتش من اودة العمليات المرةدى لآنة قلقانة زى ما قلت
اى حد زعلا ن منى سواء بقصد او من غير قصد يسامحنى ولو خرجت بردو يسامحنى ....
. انا شخصيا مسماحة كل الناس ومش زعلان من حد مفيش حاجة مستاهلة
السبت، ١ سبتمبر ٢٠٠٧
انا فى اودة العمليات ...للمرة ال مش فاكرة
z
الاشتراك في:
تعليقات الرسالة (Atom)
8 التعليقات:
أسأل الله أن يشفيك ويعافيك ويجعل ما ألم بك في ميزان حسناتك
وتوبوا إلى الله جميعا أيها المؤمنون لعلكم تفلحون
ربنا معاكي يا قمر وقلبي معاكي.... ألف سلامة ليكي
بإذن الله هتخرجي زي الفل وترجعي تناكفي فينا... إلا المرة دي هتشيلي إيه بالظبط؟
إوعى يكون المخ يا بت... إنتي مش ناقصة!!
:D
اللهم رب الناس ازهب الباس اشفى وانته الشافى لا شفاء الا شفاءك قلبونا معاكى وتخرجيلنا بالسلامه ما اصعب تلك اللحظات توكلى على الله لان الزايده ليس لها حل سوى ابتر
الف مليوووووووووون سلامة
وصدقيني
.
.
قلبي معاكي لحد ما تخرجي بالف سلامة
.
.
تحياتي
والسلام
الف سلامه ان شاء الله كله يبقى نمام
توكلي على الله فهو حسبك
نسأل الله الشفاء
ربنا معاكي وتكون كل حاجه كويسه وزي الفل ياا قمر
ربنا يجيبها خير من عنده
والف مليون سلامه
ربنا يعافيكي ويشفيكي ويكملك بصحتك دايما
تحياتي وطمنيني عليكي اكيد
ألف ألف سلامة عليكي
ربنا يكمل شفاكي على خير يا رب
إن شاء الله
أجر و عافية
منى
ask from allah all good thing for u and be well more than now isa
tell me ur news
إرسال تعليق