محتارة

z

قعدت افكر ممكن اكتب ولا اتكلم فى ايه او عن ايه

الموضوعات كتير جدا .. بس اكتب عن الحلو ولا القبيح :: بعنى الواحد يكتب عن الأمل والحب والزواج والجنس والأغانى والموضة ومساعدة المحتاج والخير
ولا يتكلم على الأرف المنتشر من انعدام أخلاق وضمير وتفشى الرشاوى واللي يقولك وأنا مالي .. والى يقول ما هى كل الناس بتعمل كده ..يعنى هى جت على انا . يعنى انا اللى حصلح الكون ماهى بايظة بايظة .

. يا عم بلاش وجع دماغ
واللى اتكلم عن الإشاعات ولا الفاسد المنتشر فى كل القطاعات والقمح المسرطن والحليب المغشوشة واكياس الدم الفاسدة وحوادث القطارات ، ولا هروب صاحب العبارة ذو النفوذ وضياع حقوق الغلابة كالعادة
ولا احدث تقليعة مستر ايجيت
شوفتو الغلب اللى احنا فيه .. كل حاجة عملنها فى حياتنا بس باقي علينا هز وسط الشباب بالمايو البيكنى
دى الرجالة ولا بلاش ... هم دول اللى حيعلو باقتصاد البلد ويحررو فلسطين والعراق ... واللى حيكونو رجال اعمال ودكاترة ومهندسن فى هز الوسط والسبسبة
ولا نتكلم عن الفتنة اللى بتحاول تخش مصر بأي شكل بأيدي خفية
ولا على الإهمال وحبس المدونين وعدم حرية الرأي والتعبير
ولا حبس الأخوان المسلمين وتحويل المدنيين الى محاكم عسكرية

آه يا دماغى