مفيش فرق بين التوربينى وممدوح اسماعيل
تم الحكم على رمضان عبد الرحمن منصور "26 سنة" والشهير بـ التوربيني وفرج سمير محمود الشهير "بحناطة" الي فضيلة المفتي بتهمة القتل العمد لعدد من اطفال الشوارع وذلك بعد اغتصابهم بعدد من المحافظات ولهذا لعد حوالى 16 طفل
فما بالك بالباشا ممدوح اسماعيل الذى قتل 1033 مصرى على العبارة السلام منذ اكثر من عام مازال هاربا وخاصة بعد التقرير النهائى الذى يدين الشركة المالكة بما فى العبارة من مخالفات جسمية من النواحى الفنية وخاصة ان التقرير ان هذه السفينة ( سفينة شاطئ ) اى المفروض انها لا تبعد عن الشاطئ مسافة عشرين كيلو متر لاغير وغيرمسموح لها بعبور البحار والسفر من بلد الى اخر
يا ترى ايه الفرق بين التوربينى وممدوح اسماعيل
ولا عشان عم ممدوح عنده نفوذ ومال ويا ترى امتى المحكمة حتكم بالأعدام على عم ممدوح ويا ترى حيكون اعدام خمس نجوم فى غرفة مكيفة ولا حتكتفى الهيئة الموقرة بغرامة قدرة 101 جنيةعلى سبيل التعويض
يا خسارة دم الغلابة اللى مالوش تمن فيكى يا بلد
3 التعليقات:
إنتي بتهرجي يا كوكو؟؟؟؟
طبعا فيه فرق كبير بين التوربيني والسيد ممدوح سماعين... التوربيني مش مصاحب زكريا عزمي ومصالحه مش داخلة جوة نخاشيش النظام لأعلى مستوياته
بس تخيلي لو كان فعلا التوربيني مصاحب زكريا عزمي
هههههههههههههههه
الله يرحمه مقدما
يا خوفي بس بعد إحالة أورقاه للمفتي يلاقوا المفتي مش فاضي يركز في قضيته عشان فتاوي البول ومكرمة تشويه الإناث وفتاوى النكاح وغيرها من فتاوي "البنية التحتية" ويروح مقرر للواد رمضان التوربيني براءة في وسط زحمة "مشغولياته" الفتاوية... الله يكون في عونهم كلهم... بيتعبوا الصراحة
بصراحة كده يا مراقب لو كان التوربنى مصاحب زكريا عزمه
اعتقد ان انكل زكريا كان حيبقى مبسوط ويتكيف على الاخر
بس مشكلة التوربينى انه بتاع عيال
ام شيوخنا يا عم انت لسه فاكر
مش دهسهم القطار اللى دهس اطفال التوربينى
احنا نعمل حملة ونسميها توربيني لكل وزير واهو نكيف الوزرا ونريحهم من الدنيا وبلاويها ونرتاح منهم ونخلص... بالمناسبة بيقول لك فيه واحد وزير ياباني انتحر عشان اتهامات بالفساد المالي... وزرا عندهم دم صحيح
إرسال تعليق