دا احـــساســـــى
احساس بالغموض والحزن والوحدة
احساس صعب جداااااا
احساسى انى عايزة ابكى
ابكى بغزارة وتبلل دموعى وجهى
من كتر الدموع اللى جوايا
وفى نفس الوقت امنع نفسى وبشدة
واصرخ من داخلى
واقول لنفسى
لا
مفيش دموع
مفيش حاجة تستاهل
واصبحت فى صراع مع نفسى
ومع دموعى
حتى وقفت دموعى
على باب عينى
حائرة بين الرجوع الى الداخل
وبين ان تبلل وجهى
********
لماذا كل هذا
مش عارفة
لاء
عارفة
حكدب على نفسى ليه
كان حلم ... مجرد حلم
والاحلام لا تأخذ ... سوى دقائق
من ساعات النوم الطويلة
ويطلع الصباح
ونحلم من جديد
لكن الى متى
سنظل نحلم
ومتى تصبح الاحلام حقيية
*******
كنت اعتقد انه آن الآوان
وان الأيام ستضع ابتسامة
على وجهى
لم اكن اطمع فى اكثر من ابتسامة
ابتسامة اردت لها ان تخرج من قلبى
وتحتضنى
*********
لكن هيهات
ومن اين لى ذلك
ولماذا تبتسم لى الحياة
فهى كعادتها معى
فى خصام مستمر
*******
كنت منتظرة حاجات حلوة كتير
كنت بحلم زى الاطفال
وأقول بكرة ... حكبر
وكنت بقول تعال يا بكرة اوام
وحقق كل الاحلام
لكن
الاحلام لا يمكن ان تصبح حقيقة
وإلا كيف تكون احــلام
احساس صعب بين الدموع والابتسامة
اللى انا حاسه بيه دلوقتى
11 التعليقات:
سوف انال شرف اول معلق ولقد تدخلت الاحاسيس بعضها بعض بين دموع الالم ودموع الفرح
اما عن الاحلام فاحلام الامس حقائق اليوم واحلام اليوم حقائق الغد كلمه قالها حسن البنا رحمه الله فلابد من الاحلام احلمى لا تتوقفى عن الاحلام وفعلا لو بطلنا نحلم نموت
على فكره شكل المدونه بقى احسن بكتير ممتاز احيكى عليه
عمر الشرقاوى
انا اللى لى الشرف
انك تعلق عندى
ححاول اخذ بنصحيتك
-
-
واللى زاد فى المدونة انها بقت 3عامود واكثرا تنظيما
تحياتى
احاسيس جميلة منك
و بالنسبة للاحلام اللى مبتبقاش حقايق والا متبقاش اسمها احلام
اعتقد انها مش كده هى احلام نتمنى و نحاول تبقى حقايق و عندها متبقاش احلام لانها اتحولت للاجمل(حقايق) لكن بيتولد احلام غيرها
تحياتى
محمد ياسر
احيانا الواحد
بيفضل يحلم ويحلم
ولا تساعده الحياه
او الظروف على تحقيق احلامه
مهم كانت بسيطة
تحياتى
أنا بحلم بالحاجات اللي عارف إنها مش هتتحقق
عشان كدا تلاقيني بحب أحلامي جدا
ولو حصل وحلم إتحقق يبقي جميل
أحلم تاني وعمر ما اﻷحلام بتخلص
تحياتي
The Alien
الاحلام
فعلا مش بتخلص
لكن نادرا ما تتحقق
تحياتى
آه يا دماغي
و لم لا تبكين...البكاء نعمة شأنها شأن الضحك و النسيان....مافيش حاجة تستاهل...صح بس الواحد يستاهل انه يعبر عن مشاعره بما يريحه و الاحلام برضه نعمة لعلها تتحقق او على الاقل تدوم
واحد مصرى
كلامك جميل وفعلا
انا قراته كويس
شكرا ليك
خالص تحياتى
مساء الخير ؛
إحساس طبيعي فأرجو الا يطول ويزول بسرعة تعود الابتسامة من جديد فتمنياتي بعودة الابتسامة في وجهك
تحيات إسكندراني في بلاد الله اواسعة
اسكندرانى
شكرا لزيارتك مدونتى
الحمد لله
كله بيعدى
خالص تحياتى لكل اهل اسكندرية
إرسال تعليق