عاوز تموت شهيد ؟
ياتركب طياره............... ياتركب عباره
عاوز تموت م الجوع ؟
ياتشترى شقه................ياتشترى عربيه بالقسط
عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا
عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه
عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى
عاوز تموت م الهبل ؟
يا تخش ع النت .......... ياتسمع نجوم الأف أم
عاوز تموت مخنوق ؟
ياتروح مصلحه حكوميه ......... ياتقرا الجريده اليومية
عاوز تموت مفروووس ؟
ياتركب تاكسى ............ ياتركب دش
عاوز تموت مرعوووووب ؟
ياتستنى نتيجه الثانويه العامه ....... ياتستنى نتيجه التحاليل عند الدكتور
عاوز تموت مشهور ؟
ياتتجوز رقاصه ............ ياتنصب على بنك
عاوز تموت مليونير ؟
ياتعمل فيديو كليب............. ياتلعب كوره
عاوز تموت ورا الشمس
ياتشغل مخك ............ ياتفتح بؤك
عاوز تموت منكاد ؟
ياترشح نفسك فى الأنتخابات ....... ياتخش ف أتفاقيه الجات
عاوز تموت م الحزن ؟
يا تفكر دايما ف أحوالك .......... ياتحط الحكومة ف بالك
عاوز تموت م الضحك ؟
يا تتجوز أتنين ......... ياتشتغل مع المجانين
عاوز تموت ف حالك ؟
أعمل نفسك دايما مش واخد بالك
الثلاثاء، ١٧ يوليو ٢٠٠٧
عايز تموت .......ازاى
z
مرسلة بواسطة اه يا دماغى في ١:٥٤ م
الاشتراك في:
تعليقات الرسالة (Atom)
12 التعليقات:
تعددت الاسباب والموت واحد المهم فى الاخر هنموت وهنبقى زى بعض
سحر
عايز أموت شهيد
بس للاسف دي مش سهلة
محتاجة رجالة بجد
مش نص كوم
ربنا يجعلنا منهم
انتي بأه
انا معتقد انك هتموتي و انتي عندك 95 سنة
و حواليكي 5 ولاد و 10 احفاد
و كلهم بيعيطوا و يقولوا بنحبك يا ماما
و الولاد الصغنين
بنموت فيكي يا تيته
ربنا يحميكي يا تيته
:)
ممكن طلب صغنن جدا
ده ايميلي
alaa.eg@gmail.com
ياريت تبعتيلي رسالة فاضية عنوانها
عايز ايه يا رخم
ممكن ؟
حلوة
ولكن الحقيقة هو الشيء الذي لا مكان فيه للإختيارات
فعلا كل اللى قلتيه صحيح
حسبى الله ونعم الوكيل
السلام عليكم
اه نسيت اقولك
انا اسف على تعليقك فى الموضوع السابق
انا كنت فاكرك ولد
السلام عليكم
يا ساتر يارب ,, ده انتي ما خليتيش حاجة للي مش عايز يموت
:p
هو انا علقت هنا قبل كدة ولا لأ؟
على كل حال تحياتي وسلاماتي
بجد كلما دخلت مدونتك افاجئ بتدوينة رائعة
تحياتي
عاوز تموت م الحزن ؟
يا تفكر دايما ف أحوالك .......... ياتحط الحكومة ف بالك
:)
طب ما هو كل الناس مش عايزة تموت
فمكبرين دماغهم وفي الآخر بيموتوا برضه بواحد من هذه الأسباب
طب فرضنا عايز اموت وانا مرتاح اعمل ايه
حلوة فكرة شريط الاخبار كده الناس تشغل دماغها كده الناس تقول اه يا دماغى
ام زينب
بشكر كل اللى علقوا
هنا
وبعتذر بشدة لعدم ردى
نتيجة ظروف وضعط الوقت
واوعدكم الرد فى كل الموضوعات القادمة
خالص تحياتى للجميع
إرسال تعليق