شكر يا مراقب مصرى على مجهودك معى
وانا قاعدة بتفرج على المدونة بتاعتى .... حسيت انها مش عجبانى .. شكلها عبيط كدا
قلت يا بت .... قال اعملى انك ناصحة .. وقال بتفهمى
واعملى شوية تتغير
طيب حعملها ازاى .... ومين حيساعدنى... انا مش شاطرة اوى
قعدت اهرش فى دماغى... اه يا دماغى .... ممممممم
كلمت حبيبة قلبى ... رندوش وسئلتها مين
قالت عليكى وعلى سى الدكتور مينا .... مراقب مصرى
وبالصدفة قاعدين كلنا على القهوة ... جه الدكتور مينا
واتفقنا نتقابل فى يوم تانى ونقعد فى مكان يكون النت شغال فية كويس
ونكون قبضنا ..عشان نقعد فى مكان محترم .. اصل احنا اخر الشهر ولسه محدش فينا قبض
*********
المهم
اتقابلنا امبارح الخميس .... انا ورندوش ومينا واخوان
محدش يسئل مين اخوان
بالصدفة وقعدنا على قهوة
غير اللى بنقعد عليها كل مرة ... يعنى تغيير
وكلنا مختلفين فى حاجات فى العقيدة والفكر واللون
بس اللى بجمعنا كلنا
ان احنا فعلا بنحب بعض بجد دون اى تعصب لاى شئ تماما
*****
بس الرخامة لها ناسها
اللى هو احنا
قاعدين نصطاد لبعض فى المية العكره
وكل حدفينا ما يقول حاجة مش على هوا التانى
اصل دى عنصرية ... دا على اللون مثلا
اصل دا تعصب دينى ...طب هو فين اللى بيفتعلوه؟
معنا مدون اخوان مسلمين .. والتانى قبطى
اصل دا عنصرية ضد الفلاحين ...وشوية ضد الصعايدة
ومبطلناش تعصب... لذيد وتحرش فى الكلام .. مش تحرش جنسى
عشان انا عارفة الناس بتسرح بافكارها لبيعيييييد
واحلى حاجة مبطلناش ضحك مع بعضنا
********
وسى الدكتور مينا مش بيمشى إلا بالاب توب
اصله مثقف ....... ودى حقيقة ..بجد
وقالى ..ها حنظبط المدونة يا باشا
ماشى يا باشا
تظبيط المونة .....عشان انا عارفة الناس بتسرح بافكارها لبيعيييييد
من الاخر مخدتش وقت منه ... بجد هو ما شاء الله شاطر جداا
واحلى حاجة فى انه كل ما يعمل خطوة يقول اتعلمى ودا شئ رائع ان حد بيعلم حد
عكس ناس كتير مترضاش تقول كلمة كأنها خلاص ... سر
وجه وقت الحساب
مش حساب القهوة
حساب تظبيط المدونة
ايوا يا عم مينا
اول دفعة من الحساب...... دا طبعا تسييح ...
دفعت حساب القهوة ...... يلا ان شا الله محد حوش
وتانى ... قلت له شكرا ... هو مطلوب حاجة تانى
قعد يقول اه يا بطنى ... اصل كان عنده انتفاخ
قالى لالالالالالالا
لازم توصلينى ... لحد الهرم ودا من وسط البلد
اصل مينا مشبيفوت حقه ابداا
يا مينا الوقت تاخر ورندوش لازم تروح حلسه حوصلها
وانا لسه حروح
بعد مجادلات وصلنا الى حل .... ان احنا نوصله الى الجيزة
وصلت رندوش وروحت بس طبعا اتاخرت
هى بدايه اليوم كانت حلوة صحيت على تليفون جميل
وفى نص اليوم رخامة شوية وانضربت بعض المواعيد الهامة
بس ختم يوم جميل مع رندوش اخوان ومينا
*****
ايه رايكم فى شوية التغييراللى حصل؟؟
31 التعليقات:
الف مبروك علي النيولوك بتاع المدونة
عندك حق هو مينا فعلا شاطر
هما الدكاترة كلهم كده شاطرين
لا بجد الشكل حلو و بالذات حكاية ال 3 صفوف
يريت مينا يقبل يتعطف عليا و يعلمهالي في الصيف
بس انا مش حعرف اوصله
ممكن ادفعله بالكتير تذكرة الاتوبيس معايا
ان شا الله م عن حد حوش
نسيت
دعوة خاصة للاستاذة كريمة لحضور افتتاح المدونة الجديدة (هانيولوجي)
HANIOLOGY.BLOGSPOT.COM
حيث ان لينك(في الكلبش) اللي حضرتك كنت قبل النيولوك مشرفاني بوضعه قد تم تغييره
مستني تشريفك للهانيولوجي
و الكومنتات
المصري افندي
(في الكلبش).........سابقا
محمد هانى
شكرايا باشا كلك ذوق
عموما انا حتصل بيه وحبلغه وخلى التوصيلة عليا
فكرة ال3 عمود دى فكرتى وطلبى وانت لوحت بالك نفس الالوان القديمة يعنى تطوير وتعديل مش تغيير
كان ممكن اخليها ابيض اواخضر او اى لون
وبصراحة مينا كان ذوق جدااا
وتعب معايا لحد ما عمل اللى انا عاوزة عشان مبعدش عن الشكل القديم
انا من هوان التطوير وليس التغير
اكيد حزو مدونتك مبروك وشكرا على الدعةو
تحياتى
مبروك الشكل الجديد للمدونة
و اكيد الواد اللي معاكوا كان محمد عادل
انا عارفه
علاء
شكرا ليك
بس يا خسارة
الواد اللى كان معانا مش محمد عادل
طلعت اوت
تحياتى
يلا خيرها في غيرها
:)
انا عن نفسى مش هعرف اقولك مبروك على النيولوك لانى مشفتش قبل النيولوك
عموما الف مبروك يا جميل
وكل نيولوك وانتى طيبة
علاء
هههههه
حقولك مين
بس قبل ما انزل البوست الجديد
تحياتى
نبض اسكندرية
نورت المدونة
اتمنى اشوفك عاطول فى المدونة
مليون شكر على ذوقك
mabrok 3ala el shakl el geded,,,gamel we lonoh hady...we 2ob2y 2oly lel wad mina yes2al 3alaya
مبروووووووك
النيو لوك الجديد
وعلى فكره بقى انا عارف الواد مينا ده
واكيد هو هيطلب منك فلوس كتير بعد كام يوم
ده ما بيفوتش فرصة ابداً
:)
لأ بجد
مينا فعلاً جدع
وانتى تستاهلى كل خير
تحياتي
يا مسهل
مش هاسألك مين إخوان ولا مين مينا بس سؤال بسيط: من هو رندوش؟
جميل جدا
بس فكرتينى بالشيخ حسنى بتاع الكتكات و اسف فى التشبيه
بس فى المشهد الاخير اللى سلم فيه الحتة كلها
اوضح ان احنا كمصريين لازم نوجد اى فرق او تحزب او نوع من الاختلاف لدرجة التعصب
و ذلك حفاظا على ان كل واحد يكون له رأى او مبدأ يدافع بدل ما ميكونش له حاجة بيدافع عنها
دماغ ماك
شكرا ياباشا
واول ما شوف منيا اكيد حبلغه
سلامك
تحياتى
صاحب البوابة
اخبارك ايه
ازيك
اكيد حقول لمينا تعلقيك
بس انا حطنشه
ومش حتصل بيه
عشان ميقولش الحاسب
وبعد فترة يكون الموضوع عدى
واول ما قول
ارد
واقول انت لسه فاكر التطوير الجاى
هههههه
بس هو جدع بجد
تحياتى
علاء
اخوان
المقصود بيه
صاحب مدونة
يا لا لا لى
عشان متقلش انى بخبى اى حاجة
الزهار
يا باشا نورت المدونة
رندوش دى بنت مش ولد
صاحبة مدونة
زنزانة ... هى اسمها راندا وبنقولها رندوش
-
مينا صاحب مدونة
مراقب مصرى
-
تحياتى
islamventura
يا باشا
كل واحد يعلق ويقول اللى نفسه فيه
من غير اجراج فى التشبيه
بس احنا كنا فعلا كوكتيل جميل من اى تعصب نهائ
تحياتى
هو انا مشوفتش قبل كدة علشان احكم
بس جميلة مدام مينا عملها ومن غير فلوس يبقي حلوة بس مين رندوش ؟؟
لو كدة فعلا تبقوا شلة عسل
ابقوا خلوني اعزمكم علي حاجة في اخر الشهر وهجيب اللاب توب معاي
علي فكرة دمك زي العسل ومش هتكون اخر مرة هجي هنا
اقبلي تطفلي علي مدونتك بئي
عزيزتى
اقتراح
ياريت تبقى تحطى لينك للمواقع اللى اتكلمتى عنها ـ مثال
شكر مراقب مصرى على مجهودك معى
وده سهل تعملية بانك تروحى هنا
http://help.blogger.com/bin/answer.py?answer=41379&query=hyperlink&topic=&type=
اللى اختصارة حيكون كدة
ازاى نعمل لينك
الطريقة دية تخلى الناس تعرف مين زنزانة رندا ـ راندوش ـ
-------------
كلمة اخيرة الروح اللى سايدة فى القعدة بينكم هى الروح اللى كانت فى مصر طول الوقت واللى لازم ترجع
الناس لابد انها تبطل تحكم على الانسان من خلال اعتقاده الدينى ـ ده غلط لان الله وحدة هو صاحب الكلمة الاولى والاخيرة فى هذا الموضوع ومش البشر ـ تحياتى
مشوفتش قبل كدة علشان احكم
كراكيب عادل
شكرا يا باشا على تشريفك مدونتى البسيطة
مينا مخدش عير فنجان القهو ... كتر خيره بصراحه
انا عمل لينك فى البوست عشان تعرف مين المجموعى ابقى بص عليه
اتمنى اشوفك فى كل الوقت على مدونتى واحب اشوف تعليقلتك
انت عايز تعزمنا اول الشهر اللى فات ولا اللى جاى
هههه
تحياتى
علي فكرة دمك زي العسل ومش هتكون اخر مرة هجي هنا
اقبلي تطفلي علي مدونتك بئي
جدوو
شكرا لتشريفك مدونتى
فكرتك صح مليون فى الميه
بس مجتش على بالى حعملها حالا
احب اشوفك دايما
تحياتى
هذه المجادلات العقيمة مفيش فايدة منها وشكرا على الأسلوب الجميل في الطرح وصد الكلمات
طيب طيب أنا جيت أهو وقريت
ومبروك التغيير وعقبال ما تعمليه بنفسك
عصفور المدينة
اهلا بيك
تغريدك مسمع المدونة كلها
وبعدين انت لازم تيجى بدعوة
المفرض المدونى مدونتك
تيجى كل الوقت
تحياتى
yakoote
شكرا لذوقك الرفيع
تحياتى
مبروك النيو لو الجديد ياجميلة
:)
انسانة
شكرا لذوقك
نورتى الدماغ
تحياتى
بتحصل في احسن العائلات
:D المهم الواد أحمد ميكونش زودها
عاجبني أحمد كارلوس ده
المهم
جميل النيو لوك ولو اني مش ملاحظه اوي :$
بس ربنا يوفقك
اكتبي بس
سلام
عبدالرحمن عياش
غريب
مبروك النيولوك الجديد
وده تاني رد ليا علي مدونتك
بصراحة اسمها جذاب ومعبر عن حالة اي دماغ مصرية شغالة وعندها احساس باللي حواليها
أيكد أي واحد مش مكبر لازم يقول آه يا دماغي
أيه الدماغ العاليا دي
مدونة ماشاء الله عليها
تحفة
إرسال تعليق