النهاردة كان يوم عنيف
عنيف جداااااااااااااا
ومش عارفة ليه .... انا صحيت من النوم عادى وعملت شوية حاجات قى البيت
من ساعة ما صحيت من النوم وانا مش طيقا نفسى
مش عارفة ليه ... عصيبة ومتنرفذة ومش طايقة دبان وشى
ليه ... معرفش
فتحت التليفزيون
اما الاخبار ضرب وقتل واعتقال وصراع
قلبت على قنوات الاغانى
ايه بقى مألوكش ... بنات اخر دلع .... دنيا تانية خالص
اللى بتغنى ولا مؤاخذة بصرتها او باللى .....
مفيش وسط يا اخبار يا اغانى
كلمت صحبتى على المويايل .... يلا
الو.... ايوا يا بنتى
هى دايما تقول
الو يا افندم ... شكلها كان فى الجيش وانا معرفش
اخبارك ايه ... ترد تمام يا افندم
انتى فين ؟ ...... على القهوة .... طيب استنى انا جاية لك ولو مشييتى كلمنى
ساعة وحكون عندك
وقبل ما انزل جانى تليفون من ماما ... ايو يا ماما
ماما بتكلم من عند خالى
وكلهم راحين المستشفى لجدتى
ايوا يا ماما .... تيجى توصلينا الى جدتك وبالمرة تسلمى عليها
عشان انت لك يومين مروحتيش
بتهزأ بالأدب طبعا
حاضر يا ماما
نزلت لقيت العربية طبعا عليها كوم تراب ... قلت مش مهم
نضفى يا بت بالريشة .... اصل احنا معندناش بواب
فتحيت العربية وحطيت شنطتى وحاجاتى ...... بصيت مفيش بنزين
كملت والواحد مفلس ... نروح نحط بنزين
ولحد ما وصلت محطة البنزين اللى بينى وبينها خمس دقايق
زحمة موت وخناقة والناس النهارد بتخرف فى السواقة بشكل عنيف
اه ... اليوم باين من اوله
واحد لطيف زنأ على من الشمال مش عاجبه ازاى انا اسبقه
بنت تسبق واد فى السواقة .... دا كلام .... يا لهوى
المهم خلصنا من البنزين وروحت لماما ... لقيتها مستنيانى على با ب العمارة .... روحنا المستشفى
وانا بركن عدى واحد من جنبى ف عربيته .... بصراحة احلى من القمر
قلت ايوا ادى الحاجات اللى تفتح النفس ..... مش العاهات اللى بيشوفها
وسلمت على جدتى فى السريع ....قلت ذوق منى طبعا
ورحت على القهوة .... لقيت الشلة كلها قاعدة
كلها اشكال تفتح النفس .......مممممممممممممم ....... مالكو
عادى كلهم عندهم اكتئاب ....
اللى زهقانة من البيت وابوها وعايزة تروح على ميعاد النوم عشان لا تشوف ولا تكلم حد
واللى متخانق مع ابوه عشان الفلوس
واللى طالع دينه فى الشغل وبيقبض ملاليم ومش عارف يعمل ايه
والله عنده شغل متأخر ومسلموش
الحال من بعضه .. . وبعدين حنعمل ايه
ولا حاجة قاعدين نحكى همنا لبعض والجو حر مووووت
كان شكلنا كلنا بصراحة يسد النفس ..... ايه دا ... ا
قعدنا يجى ساعتين .... مشيت كل الشلة واحد ورا التانى
وقعدت انا وصحبتى وشنا فى وش بعض يلا نروح ... يلا
احنا ساكنين قريب من بعض
ركبنا العربية .... وقعدنا نسمع محمد منير
الدنيا زحمة جدااااااااا والطريق مش
وواحد كان بردو حيخبطنى مش عارفة ايه الحكاية النهاردة
لاقيت نفسى متنرفذة وبزعق معاه بعصبية
لاقيت نفسى متنرفذة وبزعق معاه بعصبية
سئلتها هو كان غلطان ولا انا اللى كنت عصيبة زيادة شوية
قال الاتنين .... اه ... واضح ان دمى تقيل
وصلت صحبتى وعلى وعد بالاتصال بعد يوم الجمعة
اصل يوم الجمعة انا بكون البيت .... مش بخرج نهائى ..ولا بكلم اى حد .... اجازة من كل حاجة ما عدا البيت
كل دا واحنا وشوش تسد النفس والدنيا زحمة جداااا ومش بتمشى خالص
وحالة الأكتئاب عامة ... كان باين ان كل الناس كانت عصبية
من الحر .. ولا من الفلس .... ولا من الهم
وخلص اليوم خلاص
19 التعليقات:
يا ستي ولا تزعلي ..
و لا يكون في دماغك
الصداع اللي بيحكمنا افظع من ذلك
محمد ياقوت
ماشي يا فتانة
طب مفيش تاني قعدة مع مدونيين فضحيين
ههههههههههه
المرة الجاية متتتأخريش لان مش متعودة علي ركوب المواصلات العامة ومفلسة اركب تاكسي
سلام يا فندم
طيب يا صبر طيب !!!!!!!!!!!!!!!!!!عسى أن يفرج الكرب قريبا!!!!!!بس
ايه النكد ده
هو اينعم بيبقى فيه ايام غلسه بس مش كده ده الظاهر كلن فيه توصيه عليكي
المهم ان اليوم عدى على خير
وبعدين ايه القهوه دي
اسمها كافيه لزوم الرقه
دا انااللي هو انا مابقولش القهوه دي اصلي بصراحه عمري ماقعدت عليها ولا حتى شربتها
يالا المهم انه عدى على خير وسلامة جدتك الف سلامه
ياقوت
انا مش فى دماغى اهو وعدا
-
-
زنزانة
طب انا مقلتش اسامى خالص
انت اللى فضحتى الدنيا
زى المثل
مشفهم وهم بيسرقو
شافوهم وهم بيتاقسمو
ههههههههههه
وحاضر يا افندم السواقة مش حتتأخر على حضرتك
انت بس تأمرى
-
-
مجهول
يسمع منك ربنا
ويكون الفرج قريب
-
-
ولو
ماهو لازم يوم فى يوم نكد ويوم حلو
الحمد لله عدى
وبعدين دى كانت قهوى وبلدى
رقة ايع خليها على الله
وشكرا لك لسؤالك على جدتى
جزيل الشكر
الأيام الصعبة كتير
تعالي اتفرجي عليا
بين كل تلات ايام يومين صعبين
ربنا يصبرك يارب و يحميكي
و متزعليش أوي كده
الزعل غلط عليكي :)
يا ستي عادي
بقي يوم يفوت ولا حد يموت
المهم انك رجعتي البيت
عادي
كل يوم بيحصل معايا وأي حد فينا كده
لكن ده بقى وضع عادي بالنسبة لكتير مننا
ربنا معاكي ويفرج كربك
بس ايه رايك ف المؤتمر اعتقد ان معظم اللي راحو كان انطباعهم كويس وانا واحد منهم
انا بحسبك عاملة تغطية للمؤتمر؟؟؟
تحياااااااتي
مصـــــــــراوي أوي
ده ايه اليوم العظيم ده ؟؟!!!! احمدي ربك انها على قد كده, أنا يومي ابتدأ بخناقة لرب السما و انتهى بعياط و زعيق... و الفاصل اللي كان في نص هو النوم و الأحلام بالكوابيس :D:D:D:D:D
بصراحة سعدت للغاية بالتعرف عليكِ في المؤتمر أنتِ والعزيزة زنزانة
تحياتي لك
واتمنى أن تكوني بخير دائماً انتِ وقلمك المبدع
بصراحة انا بردو ساعات لما اصح من النوم ببقي مخنوق من كل حاجة لان والله ما بقاش في حاجة تفرح في الزمن دة
علاء
متشكرة يا باشا على ذوقك
وربنا يقويك هى واضح ان كل الايام بقت صعبة
ربنا معاك
-
-
شاويش
عادى زى ما بتقول
بس الايام الرخمةزادت اوى
-
-
مصراوى أوى
المؤتمر كان جميل جداا وانا كنت مبسوطة همال
ومعملتش التغطية مع انى كنت ناوية
ناس كتير ععملتوا والحمد لله احسن منى بكتير
وبعدين عشان لما تكون فى مدنتى تلاقى حاجة مختلفة
مش نفس الموضوع فى كل المدونات ولا رايك ايه
--
--
صاحب المضيفة
يا ريت تفضل تدعى كده علطول ان ربنا يفك اللى احنا كلنا فيه
-
-
مريم
انا دايما بقول الحمد لله طبعا
ومعلش على يوم
يظهر انه كان عنيف عند كل الناس
وعلى فكرة انا مرضيتش افول الجزء الاخير من اليوم
انه انتهى بخناقة مع سواق تاكس
عشان كفاية نكد منى
-
-
صاحب البوابة
الذهبية
انا وزنزانة فعلاكنا سعداء ان احنا تعرفنا عليك وعل كل اللى كانو موجودين
-
-
تحياتى للجميع وخالص احترامى
انا عرفت انتى دماغك وجعاكى ليه
البرنامج اللى حضرتك حكيتيه ده بصراحه هو لوحده صداع بصراحه انا حسيت دماغى بتلف بس جميل وشيق
وصوت منير الجميل زودها واه يادماغى
كل دة
غريبة !
بقى كل ده ومش عاوزة دماغك توجعك
:)
الف سلامة على الدماغ مج نسكافة مع سيجارة هيروق دماغ الجميل وجت على قد كدة بسيطة
ساهر
السلام عليكم
انا قعدت اقلب فى المدونة واجيب فوق واجيب تحت .. واقرا هنا واقرأ هنا ..
وعجبنى قوى وصية حسنى مبارك ..
تحياتى ليكى ..
وسعيد بالتعرف على المدونة
جميل جدا
متشكرة لدعوتك ليا للمدونة بتاعتي
فكرتني في مصر وشوارعها
بالناس الجميلة والناس الغلسة
والناس النايمةوالناس الي ضربة دماغ
بكل حاجة
وحشتني مصر بكل حاجة فيها حتى لو كانت مقرفة
دلوقتي انا بدعوك تزوريني في مدونة قوس قزح مش بس ليمونادة
سلام
إرسال تعليق