شفت الاعلان بتاع الفيلم العبيط الجديد........ محمد سعد
بصراحة مش عارفة اقول .. كل افلامة اللى فاتت مكنتش بفهم جملة مفيدة على بعض
وحتقولولى هو انتى شفت الفيلم
بصراحة بعد الاعلانات اللى بتيجى على روتانا والجزء دا اللى فى الفيديو
كفاية ...و زى الافلام اللى فاتت .. ماهى نفس الرقصة
ودايما عامل عبيط واهبل وعاوج بقه بطريقه هبل
وطول الفيلم يرقص بشكل مستفز ويبرز ولا مؤاخذة فى الرقص الـ ....
دا فى كل افلامه .. نفس الرقصة
هو بيعمل ارجوز والناس بتحب تتفرج على الأرجوزات وتضحك
وهو مش فارق معاه
الناس تضحك عليه ..او على عبطه فى الفيلم
المهم يقبض الملايين .. ويتشهر ... والناس تشاور وتقول العبيط اللى فى الفيلم اهو
هيه ... اهوا
مش عارفة هو دا النجم الكوميديا اللى بياخد ملايين
واللى احنا اللى عندنا الهبل بالكوم
اقصدى الناس اللى بتروح السينما الطلبة والموظفين يدفعو تمن التذكرة بالعافية
عشان يمكن يشوفو حاجة حلوة شوية ... ويمكن عشان الحبيبة يلاقو مكان ضلمة يقعدو فيه
هو يبقض بالملايبن واحنا ندفع بالملاليم
هود دا حقد منى وانا مش واخدة بالى
4 التعليقات:
مع انى دخلت معظم افلامه الا انه محبتوش فعلا غير فى اللى بالى بالك
و هو دلوقتى بقى بيكرر نفسه بدون اى جديد على اساس انه يستغل النجاح بالشخصية اللى ماسك فيها دى و الناس لغاية دلوقتى مشدودة بيه مش فاهم ليه بس متقلقيش هو بيقع خلاص يعنى ومش هيحقق نجاحات عالية تانى
وانا بقيت استبيخه جدا غير فيلم اللى بالى بالك بس
تحياتى
لا مش حقد
ده الصح اللي محدش بيقوله في البلد دي
بجد .. قلة ادب لما واحد زي ده يتشهر بالمنظر ده
فعلا .. انحطاط فكري
الاستاذة كريمة
مدزنتك تتقدم بشكل جيد
وبغض النظر عن افلام التزوير
فان التعليق على ال مايتسمى (العبيط) كان موفقا
هذه النوعية من البشر ذات جلد اسوأ من الخنزير
وباردة وجبلات ايضا
خيري
رغم إتفاقي معك في الرأي حول شخص أو أدوار محمد إلا أني ضد الحكم على اي عمل فني من أي نوع قبل مشاهدته
إرسال تعليق